भक्तपुर । १० खेलाडीमा समेतिएको ललितपुर सिटी एफसीले काठमाडौंमा जारी दोस्रो संस्करणको नेपाल सुपर लिग (एनएसएल) अन्तर्गत क्वालिफायर (२) खेलमा पोखरा थन्डर्स एफसीमाथि सनसनी जित निकाल्दै फाइलनमा प्रवेश गरेको छ ।
बिहिवार साँझ भएको क्वालिफायर (२) खेलमा १० खेलाडीमा समेतिएको ललितपर सिटी एफसीले पोखरा थन्डर्स एफसीमाथि २–१ को सनसनी जित निकाल्दै फाइनलमा प्रवेश गरेको हो ।
काठमाडौंको दशरथ रंगशालामा भएको रोमाञ्चक खेलमा ललितपुरलाई फाइनलमा पु¥याउन इमो इजकियल र कुशल देउवाले गोल गरे ।
पोखराका लागि स्टेफेन कोजो पापा आनोरले एक गोल फर्काए ।
पहिलो हाफको ३४ औं मिनेटमा ललितपुर १० खेलाडीमा समेतियो ।
ललितपरका मिडफिल्डर निखिल कदम दोस्रो पँहेलो कार्ड खाँदै मैदानबाट बाहिरिदा ललितपुर १० खेलाडीमा समेतिएको हो ।
यता, पहिलो हाफको अन्त्यतिर ४५ मिनेटपछि थपिएको अतिरिक्त समयको पहिलो मिनेटमा इमोले काउण्टर अट्याकमा गोल गर्दै ललितपुरलाई सुरुवाती अग्रता लियो ।
तर, दोस्रो हाफको ७० औं मिनेटमा स्टेफेन कोजो पापा आनोरले पोखराका लागि गोल फर्काउँदा खेल १–१ को बराबरीमा आयो ।
यता, निर्धारित समयको खेल १–१ को बराबरीमा टुंगिएपछि खेल अतिरिक्त ३० मिनेट लम्बियो ।
जसमा ललितपुरले बाजी मार्यो ।
खेलको ९८ औं मिनेटमा परिवर्तित खेलाडीका रुपमा मैदान छिरेका कुशलले सनसनी गोल गर्दा ललितपुर २–१ ले अघि बढ्यो ।
त्यसपछि खेलमा थप गोल नभएपछि ललितपुर २–१ ले विजयी भयो ।
अब ललितपुरले एनएसएल उपाधिका लागि साविक उपविजेता धनगढी एफसीसंग प्रतिस्पर्धा गर्ने पक्का भएको छ ।
पराजित पोखरा भने एनएसएलको यात्रा क्वालिफायरबाटै टुंग्याएको छ ।
लेखक
