भक्तपुर । काठमाडौंमा जारी नेपाल सुपर लिग (एनएसएल) का लिग चरणका खेलहरु सकिएका छन् ।
सनिवार साँझ भ्याली डर्बीअन्तर्गत काठमाडौं रेजर्स र ललितपुर सिटी एफसीबीचको खेल सकिएसंगै नेपाली फ्रेन्चाइज फुटबल प्रतियोगिताको लिग चरणका खेलहरु सकिएका हुन् ।
९ फ्रेन्चाइज क्लबहरुको सहभागिता रहेको दोस्रो संस्करणको एनएसएल प्रतियोगितामा साविक विजेता काठमाडौं रेजर्स, साविक उपविजेता धनगढी एफसी, ललितपुर सिटी एफसी र पोखरा थन्डर्सले लिग तालिकाको शीर्ष चारमा रहँदै प्लेअफका लागि छानोट भएका छन् ।
पोखरा थर्डसले लिग चरणका ८ खेलमध्यमा ४ खेलमा जित, ३ मा बराबरी र १ खेलमा हारको नतिजा आत्मसाथ गर्दै १५ अंक जोड्दै तालिकाको शीर्ष स्थानमा रहन सफल भयो ।
त्यस्तै, साविक उपविजेता टोलीले ८ खेलमा ३ मा जित, ४ मा बराबरी र १ खेलमा हारको नतिजा निकाल्दै १३ अंक जोडेर तालिकाको दोस्रो स्थान हासिल गर्यो ।
यता, साविक विजेता टोलीले समान ८ खेलमा ३ मा जित ३ मा बराबरी र २ खेलमा हारको नतिजा निकाल्दै १२ अंक जोडेर लिग तालिकामा तेस्रो बन्यो ।
ललितपुर सिटीले भने ८ खेलमध्यृमा २ मा जित ४ मा बराबरी र २ मा हारको नतिजा निकाल्दै १० अंक जोडेर तालिकाको चौथौं स्थानमा रहन सफल भयो ।
समान १०–१० अंक भएतापनि झापा एफसी र एफसी बुटवल लुम्बिनी गोलअन्तरका आधारमा पछि पर्दै शीर्ष चारमा अताउन सकेनन् ।
त्यस्तै, एफसी चितवन, बिरगञ्ज युनाइटेड एफसी र स्पोर्टिङ इलाम एफसी पनि लिग चरणबाटै बाहिरियो ।
तुलनात्मक रुपमा अघिल्लो संस्करण भन्दा जारी सिजन प्रतिस्पर्धात्मक र रोमाञ्चक भने रह्यो ।
लिग तालिकालाई नै नियाल्दा पनि सो कुराको पुष्टि हुन्छ ।
अब प्ले अफअन्तर्गत क्वालिफायर (१) खेलमा तालिकाको शीर्ष दुई मा रहन सफल पोखरा थन्डर्स र धनगढी एफसीबीच फाइनल प्रवेशको निमित सोमवार साँझ दशरथ रंगशालामा प्रतिस्पर्धा हुदैछ ।
उक्त खेलमा जित्ने टोली प्रतियोगिताको फाइनलमा सिधै प्रवेश गर्नेछ भने पराजित टोलीले क्वालिफायर (२) खेल खेल्न पर्नेछ ।
यता, लिग तालिकाको तेस्रो र चौथौं स्थानमा रहेको काठमाडौं थन्डर्स र ललितपुर सिटीबीच इलिमिनेटर खेल हुनेछ ।
उक्त खेलको विजेता टोलीले क्विालिफायर (२) खेल खेल्नेछ ।
क्वालिफायर (२) विजेता टोलीले क्वालिफायर (१) को विजेता टोलीसंग एनएसएल उपाधिका लागि प्रतिस्पर्धा गर्नेछ ।
लेखक
