भक्तपुर । काठमाडौंमा जारी तेस्रो संस्करणको नेपाल सुपर लिग (एनएसएल) अन्तर्गत खेलमा ललितपुर सिटी एफसी झापा एफसीसंग बराबरीमा रोकिएको छ ।
बुधवार साँझ भएको खेलमा साविक विजेता ललितपुर सिटी एफसी झापा एफसीसंग १–१ गोलको बराबरीमा रोकिएको हो ।
त्रिपुरेश्वरस्थित दशरथ रंगशालामा भएको खेलमा ललितपुरका लागि नबिन लामा र झापाका लागि लाकेन लिम्बुले गोल गरे ।
पहिलो हाफ गोलरहित बराबरीमा सकिएको खेलमा दोस्रो हाफको ५३ औं मिनेटमा नबिनले गोल गर्दा ललितपुर १–० ले अघि बढ्यो ।
तर, ६५ औं मिनेटमा लाकेनले झापाका लागि गोल गर्दा खेल १–१ को बराबरीमा आयो ।
त्यसपछि खेलमा थप गोल भएन ।
बराबरीसंगै दुबै टोलीले एक–एक अंक जोड्यो ।
यसअघि नै क्वालिफायरमा स्थान पक्का गरिसकेको ललितपुरले ६ खेलबाट १२ अंक जोडेर लिग तालिकाको शीर्ष स्थानमा उक्लिएको छ ।
पराजित झापाले समान ६ खेलबाट ५ मा बराबरी र १ मा हारको नतिजा बेहोर्दै ५ अंक जोडेर तालिकाको छैटौं स्थानमा यथावत रह्यो ।
झापा भने लिग चरणबाटै बाहिरिसकेको छ ।
लेखक
