भक्तपुर । काठमाडौंमा जारी तेस्रो संस्करणको नेपाल सुपर लिग (एनएसएल) मा एफसी चितवन र झापा एफसीले बराबरी खेलेका छन् ।
आईतवार साँझ भएको खेलमा एफसी चितवन र झापा एफसीले १–१ को बराबरी खेलेका हुन् ।
त्रिपुरेश्वरस्थित दशरथ रंगशालामा भएको खेलमा चितवनका लागि टोरिक जेर्बिन र झापाका लागि अलहाजी गेरोले गोल गरे ।
पहिलो हाफको २७ औं मिनेटमा जेर्बिनको गोलमार्फत् चितवनले खेलमा १–० को अग्रता लियो ।
तर, खेलको अन्त्यतिर इन्जुरी समयको ९४ औं मिनेटमा गेरोले पेनाल्टीमा गोल फर्काउँदै खेललाई १–१ को बराबरीमा ल्याए ।
बराबरीसंगै दुई टोलीले एक–एक अंक बाँडेका छन् ।
चितवनले ३ खेलबाट २ मा जित र १ मा बराबरीको नतिजा निकाल्दै ७ अंक जोडेर लिग तालिकाको शीर्ष स्थानमा कायम रहेको छ ।
झापाले भने समान ३ खेलमा ३ बराबरी खेल्दै ३ अंक जोडेर तालिकाको चौथौं स्थानमा उक्लिएको छ ।
लेखक
