भक्तपुर । काठमाडौंमा जारी तेस्रो संस्करणको नेपाल सुपर लिग (एनएसएल) अन्तर्गत खेलमा एफसी चितवनमाथि काठमाडौं रेजर्स एफसीले जित हासिल गरेको छ ।
मंगलवार दिउँसो भएको खेलमा एफसी चितवनमाथि पहिलो संस्करणको विजेता काठमाडौं रेजर्स एफसीले २–० को सहज जित हासिल गरेको हो ।
त्रिपुरेश्वरस्थित दशरथ रंगशालामा भएको खेलमा काठमाडौंलाई जिताउन बकरे माने र अमडौ डियोपले गोल गरे ।
पहिलो हाफको ३२ औं मिनेटमा मानेले गोल गर्दै काठमाडौंलाई १–० ले अघि बढायो ।
त्यसपछि दोस्रो हाफको ७१ औं मिनेटमा डियोपले गोल गर्दै काठमाडौंलाई २–० ले जित दिलाए ।
जितसंगै काठमाडौंले ६ खेलबाट २ मा जित, २ मा बराबरी र २ मा हारको नतिजासहित ८ जोडेर लिग तालिकाको तेस्रो स्थानमा उक्लिएको छ ।
पराजित चितवनको ५ खेलमा २ जित, १ मा बराबरी र २ मा हारको नतिजासहित ७ अंकका साथ तालिकाको चौथौं स्थानमा झरेको छ ।
लेखक
