एजेन्सी । स्पेनिस ला लिगामा एट्लेटिको मड्रिड गेताफेसंग बराबरीमा रोकिएको छ ।
सनिवार राति भएको खेलमा एट्लेटिको गेटाफेसंग १–१ गोलको बराबरीमा रोकिएको हो ।
सिभितास मेट्रोपोलिटानो रंगशालामा घरेलु टोली एट्लेटिकोले अन्तिम १० मिनेट सम्हालिन नसक्दा बराबरीमा रोकिन परेको थियो ।
त्यसअघि खेलको ६० औं मिनेटमा एन्जेल कोरियाको गोलमार्फत घरेलु टोलीले खेलमा १–० को अग्रता लिएको थियो ।
८७ औं मिनेटमा गेताफेले इनेस उनालको पेनाल्टी गोलमार्फत खेल १–१ को बराबरीमा ल्याएको थियो ।
एट्लेटिकोका साउल निगुएजले पेनाल्टी एरियामा हातले बल छोएपछि गेताफेलाई रेफ्रीले पेनाल्टीको अवसर दिएको थियो । बराबरीसंगै दुबै टोलीले १–१ अंक बाँडेका छन् ।
एट्लेटिकोले ला लिगामा २० खेल खेलिसक्दा ३५ अंक जोड्दै अंक तालिकाको चौथौं स्थानमा रहेको छ ।
गेताफेको पनि समान खेलमा १८ अंक छ । गेताफे लिग तालिकाको पुच्छारबाट दोस्रो स्थानमा छ ।
ला लिगाअन्तर्गत गयराति भएको अन्य खेलमा सेल्टाभिगोले रियल बेटिसमाथि ४–३ को जित निकाल्दा भिल्लारियल भने इल्चसंग ३–१ ले पराजित भएको छ ।
त्यस्तै, इस्पानियोल र काडिजले १–१ को बराबरी खेलेको छ ।
लेखक
