एजेन्सी । संयुक्त राज्य अमेरिकामा जारी कोपा अमेरिकाअन्तर्गत खेलमा कोस्टारिकामाथि सहज जित निकाल्दै कोलम्बियाले अघिल्लो चरणमा स्थान सुरक्षित गरेको छ ।
सनिवार विहान भएको खेलमा कोस्टारिकामाथि ३–० को सहज जित निकाल्दै कोलम्बियाले समूह चरणमा एक खेल अगावै अघिल्लो चरणमा स्थान सुरक्षित गरेको हो ।
अरिजोनाको ग्रनडेलस्थित स्टेट फार्म स्टेडियममा भएको खेलमा कोलम्बियालाई जिताउन लुइस डाइस, डाभिन्सन सान्चेज र जोन कोरडोभाले गोल गरे ।
पहिलो हाफको ३१ औं मिनेटमा डाइजले पेनाल्टीमार्फत् गोल गर्दै कोलम्बियालाई सुरुवाती अग्रता दिलाए ।
त्यसपछि दोस्रो हाफको ५९ औं मिनेटमा जोन अरियासको पासमा सान्चेजले गोल गर्दै कोलम्बियालाई २–० ले अघि बढाए ।
यता, ६२ औं मिनेटमा जेम्सको पासमा कोरडोबाले गोल थप्दा कोलम्बिया ३–० ले विजयी भयो ।
सहज जितसंगै कोलम्बियाले समूह ‘डी’ बाट दुई खेलमा शतप्रतिशत जितका साथ ६ अंक जोड्दै तालिकाको शीर्ष स्थानमा कायम रह्यो ।
पराजित कोस्टारिकाको भने दुई खेलबाट एकमा बराबरी र एकमा हारको नतिजासहित एक अंकका साथ तालिकाको तेस्रो स्थानमा रह्यो ।
लेखक
