एजेन्सी । जर्मनीमा जारी युरो कपअन्तर्गत समूह चरणको अन्तिम खेलमा पोर्चुगल जर्जियासंग स्तब्ध भएको छ ।
बुधवार राति भएको खेलमा बलियो पोर्चुगल जारी संस्करण डेब्यु प्रतियोगिता खेलिरहेको जर्जियासंग २–० ले स्तब्ध बनेको हो ।
जेलसेनकिर्चेनस्थित एरिना औफसाल्के रंगशालामा भएको खेलमा पोर्चुगललाई स्तब्ध गर्न जर्जियाका लागि खभिचा क्भाराट्स्खेलिया र जोर्जेस मिकौटाडजेले गोल गरे ।
खेल सुरु भएको दोस्रो मिनेटमै मिकौटाडजेको पासमा क्भाराट्स्खेलियाले गोल गर्दै जर्जियाले सनसनी सुरुवाती अग्रता लियो ।
त्यसपछि दोस्रो हाफको ५७ औं मिनेटमा मिकौताडेजेले पेनाल्टीमा गोल थप्दा जर्जिया २–० ले अघि बढ्यो ।
त्यसपछि खेलमा थप गोल निस्केन र जारी प्रतियोगितामा ठूलो स्तब्धकारी नतिजा आयो ।
महत्वपूर्ण जितसंगै जर्जियाले समूह ‘एफ’ मा ३ खेलबाट ४ अंक जोडेर तेस्रोमा रहँदै बेस्ट अफ थ्रीमा पर्दै अन्तिम १६ मा प्रवेश गर्न सफल भएको छ ।
पराजित पोर्चुगलको भने ३ खेलमा ६ अंकका साथ समूह तालिकाको पहिलो स्थानमा रहेको छ ।
पोर्चुगलले यसअघि नै अन्तिम १६ मा स्थान सुरक्षित गरिसकेको छ ।
गयराति नै भएको सोहि समूहको अर्को खेलमा भने टर्कीएले चेक रिपब्लिकलाई २–१ ले हराएको छ ।
महत्वपूर्ण जितसंगै टर्किएले ३ खेलबाट ६ अंक जोडेको छ ।
पोर्चुगलसंग समान अंक भएतापनि गोलअन्तरका आधारमा टर्किए दोस्रो स्थानमा रहँदै अघिल्लो चरण प्रवेश गरेको छ ।
पराजित चेक रिपब्लिक भने ३ खेलबाट १ अंक जोड्दै समूहको पुच्छारमा रहँदै प्रतियोगिताबाट बाहिरिएको छ ।
लेखक
