भक्तपुर । कतारमा जारी फिफा विश्वकपको सोमवार भएको तेस्रो खेलमा स्विजरल्याण्डलाई पराजित गर्दै ब्राजिल अन्तिम १६ मा प्रवेश गरेको छ ।
९७४ रंगशालामा खेल अवधिभर निरन्तर दवाव सिर्जना गरेको पाँच पटकका विश्वकप विजेता ब्राजिलले खेलको ८३ औं मिनेटमा कासिमेरोको गोलमार्फत महत्वपूर्ण जित हात पार्यो ।
यसअघि ६६ औं मिनेटमा भिनिसियस जुनियरले गोल गरेता पनि भिएआरले मान्यता दिएन ।
जितसंगै ब्राजिलले दुई खेलमा ६ अंक जोडेको छ । ब्राजिल एक खेल अगावै विश्वकपको नकआउट चरणमा प्रवेश गरेको हो ।
समूह ‘जी’ मा दोस्रो चरणका लिग खेल सकिँदासम्म ब्राजिलले मात्र शतप्रतिशत नतिजा निकालेको छ । पराजित स्विजरल्याण्डको ३ अंक छ ।
त्यस्तै, क्यामरन र सर्वियाको समान एक अंक रहेको छ ।
लेखक
