भक्तपुर । फिफा विश्वकपको समूह चरणको अन्तिम खेलमा पोल्याण्डविरुद्व महत्वपूर्ण जित हात पार्दै अर्जेन्टिना समूह विजेता बन्दै दोस्रो चरण प्रवेश गरेको छ ।
बुधवार राति उपाधि दाबेदार राष्ट्र अर्जेन्टिनाले युरोपेली राष्ट्र पोल्याण्डमाथि २–० को जित हात पारेको हो ।
रंगशाला ९७४ मा भएको खेलमा अर्जेन्टिनाका लागि एलेक्सीस म्याक अलिस्टार र जुलियान अल्भारोले गोल गरे ।
खेलको सुरुदेखि विपक्षीमाथि दवाव दिन थालेको लियोनल मेसीको कप्तानीमा रहेको राष्ट्रले अन्तिम समयसम्म दवाव कायम राख्यो ।
खेलमा अर्जेन्टिनाले ७३.३ प्रतिशत बल पनेजेसन राखेको थियो । त्यसक्रममा २३ सट प्रहार गर्दा १२ सट टार्गेटमा थियो । पोल्याण्डले भने खेलअवधिभर ४ सट प्रहार गर्दा एउटै पनि टार्गेटमा लगाउन सकेन ।
यसअघि पहिलो हाफको ३९ औं मिनेटमा प्राप्त पेनाल्टीमा मेसी चुकेका थिए । तर दोस्रो हाफको सुरुवात समयमै अर्जेन्टिनाले गोल गर्यो ।
उसका लागि अलिस्टारले खेलको ४६ औं मिनेटमा अग्रता दिलाए । त्यसपछि ६७ औं मिनेटमा अल्भारेजले गोल गर्दा अर्जेन्टिनाले खेल २–० ले आफमे पक्षमा पार्यो । महत्वपूर्ण जितसंगै अर्जेन्टिनाले तीन खेलमा ६ अंक जोड्यो ।
यता पराजयका बाबजुद पनि रार्बटो लेवान्डोस्कीको राष्ट्र पोल्याण्ड पनि दोस्रो चरणमा प्रवेश गरेको छ । मेक्सिकोसंग समान ४ अंक भएपनि गोलअन्तरका आधारमा पोल्याण्ड समूह ‘सी’ को उपविजेता बन्यो ।
त्यस्तै, सोहि समयमा लुसाइल आइकोनिक रंगशालामा भएको खेलमा मेक्सिकोले साउदी अरबियामाथि २–१ को जित दर्ता गर्यो ।
मेक्सिकोको जितमा हेनरी मार्टिन र लुईस चाभेजले गोल गर्दा अरबका लागि सलिम अल ड्वासारीले एक गोल फर्काए । प्रतियोगिताबाट दुबै टोली बाहिरिएका छन् ।
लेखक
