भक्तपुर । उज्बेकिस्तानी टोली ब्ल्याक बुल्स एफसीले २४ औं संस्करणको आहा रारा पोखरा गोल्डकप जितेको छ ।
सनिवार भएको फाइनल खेलमा विभागिय टोली नेपाल पुलिस क्लबलाई ३–१ ले पराजित गर्दै पाहुना टोली ब्ल्याक बुल्स एफसीले मोफसलकै प्रतिष्ठित प्रतियोगिताको उपाधि जितेको हो ।
कास्की जिल्लाको पोखरास्थित पोखरा रंगशालामा भएको खेलमा पराजय बेहोरेसंगै ६ पल्टका विजेता पुलिस उपविजेतामा सिमित बन्यो ।
पहिलो हाफको ४० औं मिनेटमा पुलिसका गोलकिपर शत्रुधन चौधरीले आत्मघाती गोल गर्न पुग्दा पाहुना टोलीले सुरुवाती अग्रता लियो ।
त्यसपछि दोस्रो हाफको ५९ औं मिनेटमा असिल्बेक ओरिफजोनोभले गोल गर्दै उज्बेकिस्तानी टोलीलाई २–० ले अघि बढाए ।
त्यस्तै, ६६ औं मिनेटमा शाभकाट जोन साटोरोभले गोल थप्दा ब्ल्याक बुल्स ३–० को आरामदायी अग्रतासहित अघि बढ्यो ।
यता, ७४ औं मिनेटमा पाहुना टोलीका अलिजोन अलिजोनोभले आफ्नै पोस्टमा बल छिराउँदा पुलिस ३–१ को अवस्थामा आयो ।
त्यसपछि खेलमा थप गोल ननिस्किदा डेब्यु प्रतियोगितामै उज्बेकिस्तानी टोलीले उपाधि जित्यो ।
ब्ल्याक बुल्सले प्रतिष्ठित उपाधिसंगै नगद १० लाख रुपैयाँ समेत हात पार्यो ।
प्रतियोगितामा ३ आमन्त्रित विदेशी टोलीसहित १२ टोलीको सहभागिता रहेको थियो ।
लेखक
