एजेन्सी । घरेलु टोली कतारले उज्बेकिस्तानलाई ट्राइब्रेकरमा पराजित गर्दै एएफसी एसियन कपको सेमिफाइनलमा स्थान पक्का गरेको छ ।
सनिवार राति भएको चौथौं तथा अन्तिम क्वाटरफाइनल खेलमा साविक विजेता समेत रहेको कतारले उज्बेकिस्तानलाई ट्रइब्रेकरमा ३–२ ले पराजित गर्दै एसियन कपको सेमिफाइनलमा स्थान पक्का गरेको हो ।
कतारका लागि अक्रम अफिफ, सुल्तान अल ब्राके र पेड्रो मिगुएलले गोल गर्दा अल्मोयज अली र अलमाह्दी अलीको प्रहार गोलमा परिणत हुन सकेन ।
यता, उज्बेकिस्तानका लागि भने ओटाबेक शुकुरोभ र शोख्बोज उमारोभले पेनाल्टीमा गोल गर्दा रुस्तमजोन अशुरमाटोभ, जफरमुरोड अब्दिराह्माटोभ र जालोलिद्दिन माशारिपोभको प्रहार खेर गयो ।
त्यसअघि खेल सुरु भएको २७ औं मिनेटमा उज्बेकिस्तानका उत्किरको आत्मघाती गोलमार्फत् कतारले सुरुवाती अग्रता लियो ।
त्यसपछि दोस्रो हाफको ५९ औं मिनेटमा उज्बेकिस्तानका ओडिल्जोन हाम्रोबेकोभले गोल फर्काउँदा खेल १–१ को बराबरीमा आयो ।
त्यसपछि खेलमा थप गोल निस्किएन ।
अल ब्याट रंगशालामा भएको निर्धारित ९० मिनेटको खेल १–१ को बराबरीमा टुंगिपछि अतिरिक्त ३० मिनेट लम्बियो ।
अतिरिक्त समयमा पनि गोल ननिस्केपछि खेल ट्राइब्रेकरमा मोडियो ।
लेखक
