भक्तपुर । फिफा विश्वकप अन्तर्गत समूह ‘बी’ को खेलमा इंग्ल्याण्डले इरानमाथि एकपक्षिय फराकिलो जित हात पारेको छ ।
सोमवार खलिफा रंगशालामा भएको खेलमा बलियो इंग्लिस टोलीले एसियाली राष्ट्र इरानमाथि ६–२ को फराकिलो जित निकालेको हो ।
थ्री लायन्सका रुपमा समेत परिचित इंग्ल्याण्डको जितमा बुकायो साकाले २ गोल गर्दा जुडे बलिङघम, रहिम स्टर्लिङ, मार्कुस रासफोर्ड र ज्याक गीर्लिसले एक एक गोल गरे । पराजित टोलीका लागि मेडी तारेमीले दुई गोल फर्काए ।
पहिलो हाफमा अतिरिक्त १५ मिनेट थप गरिएको खेलमा दोस्रो हाफमा समेत १० मिनेटको अतिरिक्त समय थपिएको थियो । इंग्लिस टोलीले पहिलो हाफ ३ गोल गर्दा दोस्रो हाफमा २ गोल थपेको थियो ।
जितसंगै इंग्ल्याण्डले समूह ‘बी’ मा तीन अंक जोडेको छ । इंग्ल्याण्डले प्रतियोगिताअन्तर्गत दोस्रो खेल मंसिर ९ गते शुक्रवार संयुक्त राज्य अमेरिकासंग खेल्नेछ । त्यस्तै, पराजित इरानले सोहि दिन वेल्ससंग प्रतिस्पर्धा गर्नेछ ।
लेखक
