एजेन्सी । इन्टर मिलानमाथि पुनरागमन जित निकाल्दै बोलोग्ना कोपा इटालियाको क्वाटरफाइनलमा प्रवेश गरेको छ ।
बुधवार राति भएको प्रि–क्वाटरफाइनल खेलमा बलियो इन्टर मिलानमाथि पुनरागमन २–१ को जित निकाल्दै बोलोग्ना क्वाटरफाइनलमा प्रवेश गरेको हो ।
मिलानस्थित गिउसिप्पे मियाजा रंगशालामा भएको खेलमा बोलोग्नाका लागि साम बेउकेमा र डान एनडोएले गोल गर्दा पराजित टोलीका लागि कार्लोस अगुस्टोले इन्टरका लागि एक गोल गरे ।
खेलको ६५ औं मिनेटमा इन्टरले पाएतापनि त्यसमा लाउटारो मार्टिनेज चुक्दा अग्रता लिने सुनौलो अवसर गुमायो ।
त्यसपछि निर्धारित ९० मिनेटको खेल गोलरहित बराबरीमा सकिएपछि खेल अतिरिक्त ३० मिनेट लम्बियो ।
खेलको ९२ औं मिनेटमा फेड्रिको डिमार्कोको पासमा कार्लोस अगुस्टोको गोलमार्फत् इन्टरले १–० को अग्रता लियो ।
तर, ११२ औं मिनेटमा जोशुआ जिर्क्जीको पासमा साम बेउकेमाले बोलोग्नाका लागि गोल फर्काउँदा खेल १–१ को बराबरीमा आयो ।
त्यसपछि ११६ औं मिनेटमा जोशुआ जिर्क्जीकै पासमा डान एनडोएले गोल थप्दा खेल बोलोग्नाले २–१ ले जित्यो ।
लेखक
