एजेन्सी । जर्मनीमा जारी युरो कपअन्तर्गत अन्तिम १६ को पहिलो खेलमा साविक विजेता इटालीलाई स्तब्ध पार्दै स्विजरल्याण्ड क्वाटरफाइनलमा प्रवेश गरेको छ ।
सनिवार राति भएको खेलमा साविक विजेता इटालीलाई २–० ले स्तब्ध पार्दै स्विजरल्याण्ड क्वाटरफाइनलमा प्रवेश गरेको हो ।
पराजयसंगै इटाली भने प्रतियोगिताबाट बाहिरिएको छ ।
बर्लिनस्थित ओलम्पियास्टाडिअन बर्लिन रंगशालामा भएको खेलमा स्विजरल्याण्डलाई ऐतिहासिक जित दिलाउन रेमो फ्रुर्युलेर र रुवेन भार्गासले गोल गरे ।
पहिलो हाफको ३७ औं मिनेटमा भार्गासको पासमा फ्रुर्यलेरले गोल गर्दै स्विजरल्याण्डलाई सनसनी सुरुवाती अग्रता दिलाए ।
त्यसपछि दोस्रो हाफको सुरुवाततिरै ४६ औं मिनेटमा मिचेल एबिस्चेरको पासमा भार्गासले गोल थप्दै स्विज टोलीलाई २–० ले अघि बढायो ।
दुई गोलले पछि परेको इटालीले खेलमा फर्किन कोशिस जारी राखेतापनि गोल फर्काउन नसकेपछि खेल स्विजरल्याण्डले जित्यो ।
लेखक
