एजेन्सी । दक्षिण अफ्रिकामा जारी आईसीसी महिला टि–२० विश्वकपमा इंग्ल्याण्डले भारतलाई पराजित गरेको छ ।
सनिवार राति भएको खेलमा इंग्ल्याण्डले भारतलाई ११ रनले पराजित गरेको हो ।
जितका लागि १५२ रनको मध्यम लक्ष्य पछ्याएको भारत निर्धारित २० ओभरको खेलमा ५ विकेट गुमाउँदै १४० रनमा समेतिएसंगै इंग्ल्याण्ड विजयी भएको हो ।
सेन्ट जोर्जेज पार्क रंगशालामा भएको खेलमा भारतका लागि स्मृति मन्धनाले ४१ बलमा ७ चौका र १ छक्का प्रहार गर्दै सर्वाधिक ५२ रनको अर्धशतकिय रन जोडिन् ।
विकेटकिपर रिचा घोषले २४ बल खेल्दै ४ चौका र २ छक्का मद्दतमा ४७ रन जोड्दै अविजित रहँदा जेमिमा रोड्रिगेजले १६ बलमा १३ रन बनाईन् ।
भारतका अन्य ब्याटरले दोहोरो अंकमा रन जोड्न सकेनन् । शफाली बर्मा ८, कप्तान हर्मनप्रित कौर ४ रनमा आउट हुँदा दिप्ती शर्मा ७ रनमा रन आउट भईन् ।
त्यस्तै, पुजा बस्त्राकार २ रनमा अविजित रहिन् । भारतले ७ रन अतिरिक्त रुपमा पाएको थियो ।
इंग्ल्याण्डका लागि साराह ग्लानले २ विकेट लिँदा लौरेन बेल र सोफिया एकल्स्टनले १–१ विकेट लिईन् ।
त्यसअघि टस हारेर पहिला ब्याटिङमा उत्रिएको इंग्ल्याण्डले निर्धारित २० ओभरको खेलमा ७ विकेटको क्षतिमा १५१ रन बनाएको थियो ।
इंग्ल्याण्डका लागि न्याट सेभियर ब्रन्टले ४२ बल खेल्दै ५ चौका प्रहार गर्दै ५० रनको अर्धशतकिय रन जोडिन् ।
त्यस्तै, विकेटकिपर एमी जोन्सले २७ बलमा ३ चौका र २ छक्का प्रहार गर्दै ४० रन जोड्दा कप्तान हिथर नाइटले २३ बलमा ४ चौका मद्दतमा २८ रन बनाउँदै आउट भईन् ।
सोफिया एकल्स्टन ११ रनमा अविजित रहँदा एलिस क्याप्सी ३ रनमा आउट भईन् । इंग्ल्याण्डले ९ रन अतिरिक्त रुपमा पाएको थियो ।
भारतका लागि रेनुका सिंहले सर्वाधिक ५ विकेट लिँदा शिखा पाण्डे र दिप्ती शर्माले १–१ विकेट लिईन् ।
इंग्ल्याण्ड ३ खेलमा ६ अंक जोड्दै समूह ‘बी’ को शीर्ष स्थान रहेको छ ।
यता पराजित भारतको समान खेलमा ४ अंक छ । भारत तालिकाको दोस्रो स्थानमा छ ।
लेखक
