एजेन्सी । उल्भ्समाथि सहज जित निकाल्दै आर्सनल इंग्लिस फुटबलको शीर्ष लिग इंग्लिस प्रिमियर लिगको शीर्ष स्थानमा उक्लिएको छ ।
सनिवार राति भएको खेलमा उल्भ्समाथि २–० को सहज जित निकाल्दै उपाधि होडमा रहेको आर्सनल प्रिमियर लिगको शीर्ष स्थानमा उक्लिएको हो ।
उल्भ्सको घरेलु मैदान मोलिनेयुक्स स्टेडियममा भएको खेलमा भ्रमणकारी टोलीको जितमा लियान्द्रो ट्रोस्सार्ड र मार्टिन ओडिगार्डले गोल गरे ।
पहिलो हाफको अन्त्यतिर ४५ औं मिनेटमा ग्राबियल जेससको पासमा ट्रोसार्डले गोल गर्दै गर्नसलाई १–० ले अघि बढाए ।
त्यसपछि दोस्रो हाफको इन्जुरी समयको पाँचौं मिनेटमा ओडिगार्डले गोल थप्दै आर्सनललाई २–० को जित दिलाए ।
महत्वपूर्ण जितसंगै शीर्ष स्थानमा उक्लिन सफल आर्सनलले ३३ खेलबाट ७४ अंक जोडेको छ ।
पराजित उल्भ्सको भने समान ३३ खेलबाट ४३ अंकसहित तालिकाको ११ औं स्थानमा रहेको छ ।
गयराति नै भएको अन्य खेलहरुमा बर्नलीले सेफिल्ड युनाइटेडलाई ४–१ ले पराजित गर्दा ब्रेन्टफोर्डले पनि लुटन टाउनमाथि ५–१ को फराकिलो जित हासिल गर्यो ।
लेखक
