भक्तपुर । काठमाडौंमा जारी सहिद स्मारक ‘ए’ डिभिजन लिगअन्तर्गत मछिन्द्र क्लबमाथि त्रिभुवन आर्मी फुटबल क्लबले सहज जित हात पारेको छ ।
विहिवार भएको खेलमा साविक विजेता समेत रहेको मछिन्द्र क्लबमाथि नेपाल आर्मी फुटबल क्लबले २–० को जित हात पारेको हो ।
च्यासल रंगशालामा भएको खेलमा दिपक गुरुङ र नवयुग श्रेष्ठले आर्मीका लागि गोल गरेका थिए ।
पहिलो हाफ गोलरहित बराबरीमा सकिएको खेलमा दोस्रो हाफको ४८ औं मिनेटमा दिपकले गोल गर्दै आर्मीलाई सुरुवाती अग्रता दिलाएका थिए ।
त्यसपछि ५९ औं मिनेटमा नवयुगले पेनाल्टीमार्फत गोल गर्दै आर्मीको अग्रता दोब्बर पारे ।
खेलमा थप गोल निस्किएन र आर्मीले खेल २–० ले जित्यो ।
यता, एन्फा कम्प्लेस सातदोबाटोमा भएको खेलमा जावलाखेल युवा क्लबले न्युरोड क्लब (एनआरटी) माथि २–१ को जित हात पार्यो ।
जावलाखेलको जितमा सिमान्ता थापाले खेलको ६८ औं मिनेटमा गोल गर्दा ७७ औं मिनेटमा फोडे फोफानाले गोल थपे ।
पराजित एनआरटीका लागि सन्जिब बिष्टले खेलको ८० औं मिनेटमा एक गोल फर्काए ।
लेखक
