भक्तपुर । नेपाल ‘ए’ एकदिवसिय अन्तर्राष्ट्रिय सिरिजअन्तर्गत पहिलो खेलमा पराजित भएको छ ।

बुधवार भएको सिरिजअन्तर्गत पहिलो खेलमा नेपाल ‘ए’ आयरल्याण्ड उल्भ्ससंग २१ रनले पराजित भएको हो ।

योसंगै ३ खेलको सिरिजमा आयरल्याण्ड उल्भ्सले १–० को अग्रता लिएको छ ।

काठमाडौंको क्रितिपुरस्थित टियु क्रिकेट मैदानमा भएको खेलमा १५८ रनको विजयी लक्ष्य पछ्याएको नेपाल २५.३ ओभरमा अलआउट हुँदै मात्र १३६ रनमा समेतियो ।

नेपालका लागि शाहब आलामले ३४ बलमा ४ चौका र १ छक्का प्रहार गर्दै ३७ रन जोड्दा ओपनर ब्याट्सम्यान देव खनालले २२ बल खेल्दै ४ चौका प्रहार गर्दै २६ रन जोड्दै पेविलियन फर्किए ।

त्यस्तै, बसिर अहमदले २१ बलमा २ चौका र १ छक्का प्रहार गर्दै २० रन जोडेर आउट हुँदा रिजन ढकालले ३५ बलको सामना गर्दा १२ रन जोडेर अविजित रहे ।

यता, कप्तान विनोद भण्डारी र अर्जुन कुमाल समान ९–९, कमल सिंह ऐरी ६ र अर्जुन साउद ४ रनमा आउट हुँदा भिम सार्की, आरिफ शेख र मौषम ढकाल शुन्य रनमा पेविलियन फर्किए ।

नेपालले अतिरिक्त रुपमा १३ रन जोड्यो ।

नेपालको ब्याटिङ लाइनलाई धरासायी बनाउँदै जित निकाल्न आयरल्याण्डका लागि म्याथ्यु हम्फ्रिजले १० ओभर बलिङ गर्दै ३ मेडन राख्नेक्रममा ३२ रन दिएर सर्वाधिक ५ विकेट लिँदा लैम म्याकाथीले ५ ओभर बलिङ गर्दै २९ रन दिएर ४ विकेट लिए ।

त्यसअघि टस जितेर पहिला ब्याटिङमा उत्रिएको भ्रमणकारी टोली आयरल्याण्ड उल्भ्सले ८.३ ओभरमा अलआउट हुँदै १५७ रन जोड्यो ।

आयरल्याण्डका लागि केड कार्माइकलले ७७ बलमा ४ चौका प्रहार गर्दै ५१ रनको अर्धशतकिय पारी खेल्दा कप्तान नेइल रकले ३२ बल खेल्नेक्रममा २ चौका र ३ छक्का प्रहार गर्दै ३९ रन जोडेर पेविलियन फर्किए ।

त्यस्तै, पिटर मुरले ३४ बलको सामना गर्दा १ चौका र १ छक्का प्रहार गर्दै २१ रन जोडेर आउट हुँदा ओपनर ब्याट्सम्यान जेम्स म्याकोलुमले १५ बलमा ३ चौका प्रहार गर्दै १२ रन जोडेर पेविलियन फर्किए ।

यता, अर्का ओपनर स्टेफेन डोहनीले ३० बल खेल्नेक्रममा २ चौका प्रहार गर्दै १२ रन जोडेर आउट हुँदा ग्यारेथ डेलेनी ६ र लैम म्याकार्थी २ रनमा पेविलियन फर्किए ।

टम मायस ७ रनमा अविजित रहँदा बिन ह्वाइट, म्याथ्यु हम्फ्रिज र फियोन ह्यान्ड शुन्य रनमा पेविलियन फर्किए ।

भ्रमणकारी टोलीले अतिरिक्त रुपमा ७ रन जोड्यो ।

आयरल्याण्डलाई सस्तैमा अलआउट गर्न नेपालका लागि कमल सिंह ऐरीले ६.३ ओभर बलिङ गर्दै १ मेडन राखेर २१ रन दिनेक्रममा ह्याट्रिकसहित ४ विकेट लिए ।

त्यस्तै, साहब आलमले ९ ओभर बलिङ गर्दै १ मेडनसहित २१ रन दिएर २ विकेट लिँदा मौषम ढकालले १० ओभर बलिङ गर्दै ५० रन खर्चिएर २ विकेट लिए ।

यता, रिजन ढकालले ८ ओभरमा १ मेडनसहित ३२ रन दिएर १ विकेट लिँदा अर्को १ विकेट रनआउटमार्फत् प्राप्त गर्यो ।

सिरिजअन्तर्गत दोस्रो खेल शुक्रवार हुनेछ ।

लेखक

प्रतिकृया दिनुहोस्

Please enter your comment!
Please enter your name here
This site is protected by reCAPTCHA and the Google Privacy Policy and Terms of Service apply.

The reCAPTCHA verification period has expired. Please reload the page.