एजेन्सी । अफगानिस्तानले आयरल्याण्डविरुद्वको टि–२० आई सिरिज जितेको छ ।
सोमवार राति भएको आयरल्याण्डविरुद्वको सिरिजअन्तर्गत तेस्रो तथा अन्तिम खेलमा अफगानिस्तान ५७ रनले विजयी भएसंगै ३ खेलको टि–२० आई सिरिज अफगानिस्तानले २–१ ले जितेको हो ।
युएईको सारजाहस्थित सारजाह क्रिकेट स्टेडियममा भएको खेलमा १५६ रनको मध्यम विजयी लक्ष्य पछ्याएको आयल्याण्ड १७.२ ओभरमा अलआउट हुन पुग्दा मात्र ९८ रनमा समेतियो ।
आयरल्याण्डका लागि कर्टिस क्याम्फेरले २३ बलमा ३ चौका र १ छक्का प्रहार गर्दै २८ रन जोडेर पेविलियन फर्किदा ग्यारेथ डिलेनीले १९ बलमा २ छक्का प्रहार गर्दै २१ रन जोडेर आउट भए ।
त्यस्तै, ह्यारी टेक्टरले २१ बलमा ३ चौका प्रहार गर्दै १६ रन जोडेर पेविलियन फर्किदा ओपनर ब्याट्सम्यान एन्ड्रेयु बालबिरनेई ९, मार्क अदैर ६, कप्तान पाउल स्टर्लिङ ४, जर्ज डकरेल ३, ब्यारी म्याककार्थी र बेन्जामिन ह्वाइट १–१ रनमा आउट भए ।
यता, जोशुआ लिटल २ रनमा अविजित रहँदा विकेटकिपर लार्कान टक्टर भने शुन्य रनमा पेविलियन फर्किए ।
आयरल्याण्डले अतिरिक्त रुपमा ७ रन जोड्यो ।
आयरल्याण्डलाई सस्तैमा समेत्दै जित निकाल्न अफगानिस्तानका लागि अज्मतुल्लाह ओमारजायीले ४ ओभर बलिङ गर्दै मात्र ९ रन दिएर सर्वाधिक ४ विकेट लिँदा नविन उल हकले २.२ ओभर बलिण् गर्नेक्रममा १० रन दिएर ३ विकेट लिए ।
त्यस्तै, कप्तान राशिद खान, नानगेयालिया खरोते र फजलहक फारुक्वीले समान १–१ विकेट लिए ।
त्यसअघि टस जितेर पहिला ब्याटिङमा उत्रिएको अफगानिस्तानले निर्धारित २० ओभरको खेलमा ७ विकेट गुमाउँदै १५५ रन जोड्यो ।
अफगानिस्तानका लागि इब्राहिम जडरानले ५१ बलमा ५ चौका र ३ छक्का प्रहार गर्दै सर्वाधिक ७२ रनको अर्धशतकिय पारी खेल्दै अविजित रहे ।
त्यस्तै, विकेटकिपर मोहम्मद इशाकले २२ बलमा ३ चौका प्रहार गर्दै २७ रन जोडेर आउट हुँदा ओपनर ब्याट्सम्यान सेदिक्वुल्लाह अटलले १९ बल खेल्नेक्रममा २ छक्का प्रहार गर्दै १९ रन नै जोडेर पेविलियन फर्किए ।
यता, इजाज अहमदजायीले ४ बलमा १ चौका र १ छक्का प्रहार गर्दै १० रन जोडेर रनआउट हुँदा अर्का ओपनर रहमानुल्लाह गुरबाज र मोहम्मद नाबी समान ६–६, कप्तान राशिद खान र अज्मतुल्लाह ओमारजायी ३–३ रन जोड्दै आउट भए ।
अफगानिस्तानले अतिरिक्त रुपमा ९ रन जोड्यो ।
आयरल्याण्डका लागि मार्क अदैर, जोशुआ लिटल, ब्यारी म्याककार्थी, कर्टिस क्याम्फेर, ग्यारेथ डिलेनी र बेन्जामिन ह्वाइटले समान १–१ विकेट लिए ।
लेखक
