भक्तपुर । फिफा विश्वकपको दोस्रो चरणअन्तर्गत क्वाटरफाइनलका खेलहरु शुक्रवारबाट सुरु हुँदैछ ।
शुक्रवार अर्थात आज दुई खेल हुनेछ । पहिलो खेलमा साविक उपविजेता क्रोएसिया र उपाधि दाबेदार राष्ट्र ब्राजिल इड्युकेशन सिटी रंगशालामा आमनेसामने हुँदैछ भने दोस्रो खेलमा युरोपेली राष्ट्र नेडरल्याण्ड र उपाधि दाबेदार राष्ट्र अर्जेन्टिनाबीच लुसाइल आइकोनिक रंगशालामा प्रतिस्पर्धा हुनेछ ।
पहिलो खेल राति पौने ९ बजे सुरु हुनेछ भने दोस्रो खेल राति पौने १ बजे हुँदैछ ।
क्रोएसियाविरुद्व ब्राजिल
सन् २०१८ जुनमा अन्तराष्ट्रिय मैत्रीपूर्ण खेलमा ब्राजिलले क्रोएसियामाथि २–० को जित निकाले यता अहिलेसम्म ब्राजिल क्रोएसियासंग पराजित भएको छैन ।
त्यसयता यी दुई राष्ट्रबीच थप तीन खेल खेल्दा २ मा ब्राजिल विजयी रहँदा एक खेल बराबरीमा सकिएको छ ।
यस्तै, युरोपेली राष्ट्र क्रोएसियाले दक्षिण अमेरिकी देशसंग पछिल्लो ५ खेल खेल्दा ४ मा पराजय बेहोरेको छ ।
त्यस्तै, सन् २००२ को विश्वकपको फाइनल खेलमा युरोपेली राष्ट्र जर्मनीमाथि २–० को जित निकालेयता ब्राजिलले विश्वकपका पछिल्लो ५ नकआउट चरणका खेल युरोपेली राष्ट्रसंग हारेको छ ।
फिफा विश्कपका सर्वाधिक ५ पटकका विजेता समेत रहेको ब्राजिल आज क्रोएसियामाथि जित निकाल्दै विश्वकपमा ९ औं पटक सेमिफाइनल प्रवेश गर्ने ध्यानमा रहनेछ ।
यता, साविक उपििवजेता राष्ट्र क्रोएसिया पनि उपाधि दाबेदार दक्षिण अमेरिकी टोलमाथि स्तब्धपूर्ण नतिजा निकाल्दै अन्तिम ४ को सिट सुरक्षित गर्ने प्रयासमाा हुनेछ ।
यस खेललाई नेइमार जुनियरविरुद्व लुक्का मोड्रिचका रुपमा पनि लिइनेछ ।
सहजै अनुमान लगाउन सकिन्छ कि कतार विश्वकपको पहिलो क्वाटरफाइनल खेल रोमाञ्चक हुनेछ ।
नेडरल्याण्डविरुद्व अर्जेन्टिना
तीनपटक विश्वकपको उपाधि नजिक पुगेर पनि जित्न नसकेको राष्ट्र नेडरल्याण्ड आज बलियो अर्नेन्टिनाविरुद्व जित हात पार्दै अघिल्लो चरण प्रवेश गर्न चाहन्छ ।
पछिल्लोपटक सन् २०१० मा फिफा विश्वकपको फाइनल पुगेको यो युरोपेली राष्ट्र अर्को युरोपेली राष्ट्र स्पेनसंग १–० ले पराजित भएको थियो ।
होलाण्डका रुपमा पनि चिनिने नेडरल्याण्डको एउटा रोमाञ्चक तथ्य के छ भने यो राष्ट्र अर्जेन्टिनासंग ९ खेल खेल्दा मात्र एक पटक पराजित भएको छ ।
डच टिमले ४ जित हात पार्दा ४ बराबरी खेलेको छ । त्यसैले पनि लुइस भान गालको प्रशिक्षणमा रहेको राष्ट्र उपाधि दाबेदार मानिएको दक्षिण अमेरिकी राष्ट्रविरुद्व राम्रो खेल्नेमा विश्वस्त रहेको छ ।
उसो त भर्जिल भान डाइकको कप्तानीमा रहेको हालको नेडरल्याण्ड टोली सन्तुलित रहेको छ ।
यता, लियोनल मेसीको कप्तानीमा रहेको अर्जेन्टिनाले कतार विश्वकपको यात्रामा पहिलो खेलमा एसियाली राष्ट्र साउदी अरबियासंग २–१ को पराजय बेहोरेको थियो ।
त्यसयता उपाधि दाबेदारसमेत रहेको राष्ट्रले उत्कृष्ट पुनरागमन गरेको छ । हालको अर्जेन्टिनी टिम चर्चित खेलाडीहरुले त भरिएकै छ, यस्तोमा ७ पटकका बेलोन डीओआर विजेतासमेत रहेका मेसी पनि लयमै रहेका छन् ।
दुईपटक विश्वपकको उपाधि उचालिसकेको यो राष्ट्रले सन् २०१४ को विश्वकपमा फाइनलसम्मको यात्रा तय गरेको थियो ।
मेसीले सम्भवतः अन्तिम विश्वकप खेल्दै गर्दा उपाधि जित्ने एकमात्र लक्ष्य लिएको देखिन्छ ।
सहजै अनुमान लगाउन सकिन्छ कि आजको यो खेले निक्कै नै प्रतिस्पर्धात्मक हुनेछ ।
आजका सम्भावित विजेता राष्टहरु
ब्राजिल र अर्जेन्टिना
लेखक
