एजेन्सी । भारतमा जारी इन्डियन प्रिमियर लिग (आईपिएल) अन्तर्गत खेलमा रोयल च्यालेन्जर्स बेङ्गलुरुले सनराइजर्स हैदराबादमाथि जित हासिल गरेको छ ।
विहिवार राति भएको आईपिएल खेलमा जारी सिजन लयमा आउन संघर्षरत रोयल च्यालेन्जर्स बेङ्गलुरुले उच्च प्रदर्शन गर्दै आएको सनराइजर्स हैदराबादमाथि ३५ रनको जित हासिल गरेको हो ।
महत्वपूर्ण जितसंगै लिग तालिकाको पुच्छारमा रहेको बेङ्गलुरुले ९ खेलमा दोस्रो जित निकाल्दै ४ अंक जोडेको छ ।
पराजित हैदराबादको भने ८ खेलमा १० अंकसहित तालिकाको तेस्रो स्थानमा रहेको छ ।
हैदराबादको घरेलु मैदान राजिब गान्धी अन्तर्राष्ट्रिय क्रिकेट रंगशालामा भएको खेलमा २०७ रनको विजयी लक्ष्यका साथ जवाफी ब्याटिङमा उत्रिएको घरेलु टोली हैदराबाद निर्धारित २० ओभरको खेलमा ८ विकेट गुमाउँदै मात्र १७१ रनमा समेतियो ।
हैदराबादका लागि शाहबाज अहमेदले ३७ बलमा १ चौका र १ छक्का प्रहार गर्दै ४० रन जोडेर अविजित रहँदा ओपनर ब्याट्सम्उान अभिषेक शर्माले १३ बल खेल्दै ३ चौका र २ छक्का प्रहार गर्दै ३१ रन जोडेर पेविलियन फर्किए ।
त्यस्तै, कप्तान प्याट कमिन्सले १५ बलमा १ चौका र ३ छक्का प्रहार गर्दै ३१ रन जोडेर आउट हुँदा नितिश कुमार रेड्डीले १३ बलमा १ छक्का मद्दतमा १३ रन जोडेर पेविलियन फर्किए ।
यता, भुबनेश्वर कुमारले १३ बलमा ३ चौका प्रहार गर्दै १३ रन बनाएर आउट हुँदा अब्दुल सामद ६ बलमा १ छक्का प्रहार गर्दै १० रन जोडेर पेविलियन फर्किए ।
जयदेव उनादकत ८ रनमा अविजित रहँदा विकेटकिपर हेनरिच क्लासेन र अैदेन मार्कराम समान ७–७ र टिम हेड १ रनमा पेविलियन फर्किए ।
हैदराबादले अतिरिक्त रुपमा १० रन जोड्यो । हैदराबादमाथि महत्वपूर्ण जित निकाल्न बेङ्गलुरुका लागि स्वप्निल सिंह, कर्ण शर्मा र क्यामरन ग्रिनले समान २–२ विकेट लिँदा यश डयाल र विल ज्याक्सले समान १–१ विकेट लिए ।
त्यसअघि टस जितेर पहिला ब्याटिङमा उत्रिएको बेङ्गलुरुले निर्धारित २० ओभरको खेलमा ७ विकेट गुमाउँदै २०६ रन जोड्यो ।
बेङ्गलुरुका लागि पुर्वकप्तान विराट कोहोलीले ४३ बलमा ४ चौका र १ छक्का प्रहार गर्दै ५१ रनको अर्धशतकिय पारी खेल्दा रजत पातिदारले पनि २० बल खेल्नेक्रममा २ चौका र ५ छक्का प्रहार गर्दै ५० रनको अर्धशतक बनाएर पेविलियन फर्किए ।
त्यस्तै, क्यामरन ग्रिनले २० बल खेल्दै ५ चौका प्रहार गरेर ३७ रन जोड्दै अविजित रहँदा कप्तान फाफ दु प्लेसिसले १२ बलमा ३ चौका र १ छक्का प्रहार गर्दै २५ रन जोडेर आउट भए ।
यता, इम्प्याक्ट प्लेयरका रुपमा मैदान छिरेका स्वप्निल सिंहले ६ बलमा १ चौका र १ छक्का प्रहार गर्दै १२ रन जोडेर आउट हुँदा विकेटकिपर दिनेश कार्तिकले ६ बल खेल्दै २ चौका प्रहार गरेर ११ रन जोडेर पेविलियन फर्किए ।
माहिपाल लोमरोर ७ र विल ज्याक्स ६ रनमा पेविलियन फर्किए ।
बेङ्गलुरुले अतिरिक्त रुपमा ७ रन जोड्यो ।
हैदराबादका लागि जयदेव उनादकतले ३ विकेट लिँदा थङ्गरसु नतराजनले २, प्याट कमिन्स र मयङ्क मार्कान्देले समान १–१ विकेट लिए ।
लेखक
