एजेन्सी । भारतमा जारी इन्डियन प्रिमियर लिग (आईपिएल) अन्तर्गत खेलमा लखनउ सुपर जायन्सले गुजरात टाइटन्समाथि जित निकालेको छ ।
आईतवार राति भएको खेलमा लखनउ सुपर जायन्सले साविक उपविजेता समेत रहेको गुजरात टाइटन्समाथि ३३ रनको जित निकालेको हो ।
आईपिएलमा अहिलेसम्म लगातार ४ पटक गुजरातसंग पराजय भोगेको लखनउले घरेलु मैदानमा पहिलो जित निकाल्न सफल भयो ।
जितसंगै लखनउले ४ खेलबाट ६ अंक जोड्दै लिग तालिकाको तेस्रो स्थानमा उक्लिएको छ ।
पराजित गुजरातको ५ खेलमा ४ अंकसहित तालिकाको सातौं स्थानमा रहेको छ ।
लखनउको घरेलु मैदान एकाना स्पोर्ट्स सिटी रंगशालामा भएको खेलमा १६४ रनको विजयी लक्ष्य पछ्याएको गुजरात १८.५ ओभरमा अलआउट हुँदा मात्र १३० रनमा समेतियो ।
गुजरातका लागि ओपनर ब्याट्सम्यान साइ सुदर्शनले २३ बलमा ४ चौका प्रहार गर्दै ३१ रन जोड्दा राहुल तेवातियाले २५ बल खेल्दै २ चौका र २ छक्का प्रहार गर्दै ३० रन जोडेर पेविलियन फर्कियो ।
त्यस्तै, कप्तान शुभमन गिलले २१ बल खेल्नेक्रममा २ चौका प्रहार गरेर १९ रन जोड्दै पेविलियन फर्किदा विजय शंकरले १७ बलमा १ छक्का प्रहार गरेर १७ रन जोडेर आउट भए ।
यता, दर्शन नालकान्देले ११ बलमा १ छक्का प्रहार गर्दै १२ रन जोडेर आउट हुँदा नुर अहमद ४, विकेटकिपर बिआर शारथ र उमेश यादव २–२ र केन विलियम्सन १ रनमा पेविलियन फर्किदा राशिद खान र स्पेन्सर जोन्सनले अंकको खाता नै खोल्न सकेनन् ।
गुजरातले अतिरिक्त रुपमा १२ रन जोड्यो ।
गुजरातलाई सस्तैमा अलआउट गर्न लखनउका लागि यश ठाकुरले ३.५ ओभर बलिङ गर्दै १ मेडनसहित ३० रन दिएर सर्वाधिक ५ विकेट लिँदा कुर्णाल पाण्डेयाले ४ ओभर बलिङ गर्दै मात्र ११ रन दिएर ३ विकेट लिए ।
त्यस्तै, नविन उल हक र रवि बिस्नोईले समान १–१ विकेट लिए ।
त्यसअघि टस जितेर पहिला ब्याटिङमा उत्रिएको लखनउले निर्धारित २० ओभरको खेलमा ५ विकेट गुमाउँदै १६३ रन जोड्यो ।
लखनउका लागि मार्कुस स्टोइनिसले ४३ बलमा ४ चौका र २ छक्का प्रहार गर्दै ५८ रनको अर्धशतकिय पारी खेल्दा कप्तान तथा विकेटकिपर केएल राहुलले ३१ बल खेल्दै ३ चौका प्रहार गरेर ३३ रन जोडेर पेविलियन फर्किए ।
त्यस्तै, निकोलास पुरनले २२ बलमा ३ छक्का प्रहार गरेर ३२ रन जोड्दै अविजित रहँदा आयुष बादोनीले ११ बल खेल्दै ३ चौका प्रहार गरेर २० रन जोड्दै पेविलियन फर्किए ।
यता, देवदुत पादिखेलले ७ रन जोड्दै आउट हुँदा कुर्णाल पाण्डेयाले २ रन जोड्दै अविजित रहे ।
लखनउले अतिरिक्त रुपमा ५ रन जोड्यो ।
गुजरातका लागि दर्शन नालकन्देले २ ओभर बलिङ गर्दै २१ रन दिएर २ विकेट लिँदा उमेश यादवले ३ ओभर बलिङ गर्दै २२ रन दिएर २ विकेट लिए ।
यता, राशिद खानले ४ ओभर बलिङ गर्दै २८ रन खर्चिएर १ विकेट लिए ।
लेखक
