एजेन्सी । भारतमा जारी इन्डियन प्रिमियर लिग (आईपिएल) अन्तर्गत खेलमा लखनउ सुपर जायन्समाथि दिल्ली क्यापिटल्सले जित निकालेको छ ।
मंगलवार राति भएको आईपिएल खेलमा लखनउ सुपर जायन्समाथि दिल्ली क्यापिटल्सले १९ रनको जित निकालेको हो ।
महत्वपूर्ण जितसंगै दिल्लीले १४ खेलबाट ७ मा जित र ७ मा हारको नतिजासहित १४ अंक जोडेर लिग तालिकाको पाँचौं स्थानमा उक्लिएको छ ।
योसंगै दिल्लीको सुपर ४ मा पुग्ने सम्भावना कायमै छ ।
पराजित लखनउको भने १३ खेलमा ६ मा जित र ७ मा हारको नतिजासहित १२ अंकका साथ तालिकाको सातौं स्थानमा रहेको छ ।
लखनउको प्लेअफमा पुग्ने सम्भावना गणितिय रुपमा मात्र बाँकी छ ।
दिल्लीको घरेलु मैदान अरुण जेट्ली रंगशालामा भएको खेलमा २०९ रनको विजयी लक्ष्यका साथ जवाफी ब्याटिङमा उत्रिएको लखनउ निर्धारित २० ओभरको खेलमा ९ विकेट गुमाउँदै मात्र १८९ रनमा समेतियो ।
लखनउका लागि निकोलास पुरनले २७ बलमा ६ चौका र ४ छक्का प्रहार गर्दै ६१ रनको अर्धशतकिय पारी खेल्दा अर्शद खानले ३३ बल खेल्नेक्रममा ३ चौका र ५ छक्का प्रहार गर्दै ५८ रनको अर्धशतकिय पारी खेल्दै अविजित रहे ।
त्यस्तै, कुर्णाल पाण्डेयाले १८ बलमा २ चौका प्रहार गर्दै १८ रन जोडेर आउट हुँदा युद्धविर सिंहले ७ बलमा १ चौका र १ छक्का प्रहार गर्दै १४ रन जोडेर पेविलियन फर्किए ।
लखनउका लागि स्टार खेलाडीहरुको ब्याट भने चल्न सकेन । विकेटकिपर क्विन्टन डि कक ८ बलमा २ चौका प्रहार गर्दै १२ रन जोडेर आउट हुँदा कप्तान केएल राहुल र मार्कुस स्टोइनिस समान ५–५ रइम्प्याक्ट प्लेयरका रुपमा मैदान आएका आयुष बादोनी ६ रनमा पेविलियन फर्किए ।
यता, रवि बिस्नोई २ रनमा रनआउट हुँदा दिपक होडा शुन्य रनमा पेविलियन फर्किए ।
नविन उल हक भने २ रनमा अविजित रहे ।
लखनउले अतिरक्त रुपमा ६ रन जोड्यो ।
लखनउमाथि जित निकाल्न दिल्लीका लागि इम्प्याक्ट प्लेयरका रुपमा मैदान आएका इशान्त शर्माले ३ विकेट लिँदा खलिल अहमेद, अक्षर पटेल, मुकेश कुमार, कुलदिप यादव र ट्रिस्टान स्टुब्सले समान १–१ विकेट लिए ।
त्यसअघि टस हारेर पहिला ब्याटिङमा उत्रिएको दिल्लीले निर्धारित २० ओभरको खेलमा ४ विकेट गुमाउँदै २०८ रन जोड्यो ।
दिल्लीका लागि ओपनर ब्याट्सम्यान अभिषेक पोरेलले ३३ बल खेल्दै ५ चौका र ४ छक्का प्रहार गर्दै ५८ रनको अर्धशतकिय पारी खेल्दा ट्रिस्टान स्टुब्सले २५ बलमा ३ चौका र ४ छक्का प्रहार गर्दै ५७ रनको अर्धशतकिय पारी खेल्दै अविजित रहे ।
त्यस्तै, शाई होपले २७ बलमा ३ चौका र २ छक्का प्रहार गर्दै ३८ रन जोडेर आउट हुँदा कप्तान तथा विकेटकिपर रिशभ पन्तले २३ बल खेल्दै ५ चौका प्रहार गरेर ३३ रन जोडेर पेविलियन फर्किए ।
यता, अक्षर पटेलले १० बलमा २ चौका प्रहार गर्दै १४ रन जोडेर अविजित रहँदा अर्का ओपनर ज्याक फ्रेसर म्याकग्रुक भने शुन्य रनमा पेविलियन फर्किए ।
दिल्लीले अतिरिक्त रुपमा ८ रन जोड्यो ।
लखनउका लागि नविन उल हकले २ विकेट लिँदा अर्शद खान र रवि बिस्नोईले समान १–१ विकेट लिए ।
लेखक
