एजेन्सी । भारतमा जारी इन्डियन प्रिमियर लिग (आईपिएल) अन्तर्गत खेलमा लखनउ सुपर जायन्ट्समाथि दिल्ली क्यापिटल्सले जित हासिल गरेको छ ।
शुक्रवार राति भएको आईपिएल खेलमा लखनउ सुपर जायन्समाथि दिल्ली क्यापिटल्सले ६ विकेटको जित हासिल गरेको हो ।
सहज जितसंगै दिल्लीले ६ खेलबाट ४ अंक जोड्दै लिग तालिकाको नवौं स्थानमा उक्लिएको छ ।
पराजित लखनउको भने ५ खेलबाट ६ अंकसहित तालिकाको चौथौं स्थानमा कायम रहेको छ ।
लखनउको घरेलु मैदान एकाना स्पोर्ट्स सिटी रंगशालामा भएको खेलमा १६८ रनको विजयी लक्ष्यका साथ जवाफी ब्याटिङमा उत्रिएको दिल्लीले १८.१ ओभरमा मात्र ४ विकेट गुमाउँदै १७० रन जोड्यो ।
भ्रमणकारी टोली दिल्लीको जितमा ज्याक फ्रासेर म्याकगुर्कले ३५ बलमा २ चौका र ५ छक्का प्रहार गर्दै ५५ रनको अर्धशतकिय पारी खेल्दा कप्तान तथा विकेटकिपर रिशब पन्तले २४ बल खेल्दै ४ चौका र २ छक्का प्रहार गर्दै ४१ रन जोडेर पेविलियन फर्किए ।
त्यस्तै, ओपनर ब्याट्सम्यान पृथ्वी शले २२ बलमा ६ चौका प्रहार गर्दै ३२ रन जोडेर आउट हुँदा ट्रिस्टन स्टुब्सले ९ बल खेल्दै १ छक्का प्रहार गरेर १५ रन जोड्दै अविजित रहे ।
यता, शाई होपले १० बलमा १ चौका प्रहार गर्दै ११ रन जोडेर अविजित रहँदा अर्का ओपनर डेभिड वार्नरले ९ बलमा १ चौका प्रहार गर्दै ८ रन जोडेर पेविलियन फर्किए ।
दिल्लीले अतिरिक्त रुपमा ८ रन जोड्यो ।
लखनउका लागि रवि बिस्नोईले ४ ओभरमा २५ रन दिएर २ विकेट लिँदा नविन उल हक र यश ठाकुरले समान १–१ विकेट लिए ।
त्यसअघि टस जितेर पहिला ब्याटिङमा उत्रिएको लखनउले निर्धारित २० ओभरको खेलमा ७ विकेट गुमाउँदै १६७ रन जोड्यो ।
लखनउका लागि आयुष बादोनीले ३५ बलमा ५ चौका र १ छक्का प्रहार गर्दै ५५ रनको अर्धशतकिय पारी खेल्दै अविजित रहँदा कप्तान तथा विकेटकिपर केएल राहुलले २२ बल खेल्नेक्रममा ५ चौका र १ छक्का प्रहार गर्दै ३९ रन जोडेर अविजित रहे ।
त्यस्तै, अर्शद खानले १६ बलमा २ चौका प्रहार गर्दै २० रन जोडेर अविजित रहँदा ओपनर ब्याट्सम्यान क्विन्टन दि ककले १३ बल खेल्दै ४ चौका प्रहार गरेर १९ रन जोड्दै पेविलियन फर्किए ।
यता, इम्प्याक्ट प्लेयरका रुपमा मैदान प्रवेश गरेका दिपक होडाले १३ बलमा १० रन जोड्दै आउट हुँदा मार्कुस स्टोइनिस ८, देवदुत पादिक्कल र कुर्णाल पाण्डेया समान ३–३ र निकोलास पुरन शुन्य रनमा पेविलियन फर्किए ।
लखनउले अतिरिक्त रुपमा १० रन जोड्यो ।
दिल्लीका लागि खलिल अहमेदले ४ ओभरमा ४१ रन खर्चिएर २ विकेट लिँदा इशान्त शर्मा र मुकेश कुमारले समान १–१ विकेट लिए ।
लेखक
