एजेन्सी । भारतमा जारी इन्डियन प्रिमियर लिग (आईपिएल) अन्तर्गत खेलमा मुम्बई इन्डियन्समाथि लखनउ जायन्ट्सले सहज जित निकालेको छ ।
मंगलवार राति भएको आईपिएल खेलमा पाँच पटकका विजेता मुम्बई इन्डियन्समाथि लखनउ जायन्ट्सले ४ विकेटको सहज जित निकालेको हो ।
महत्वपूर्ण जितसंगै लखनउले १० खेलबाट १२ अंक जोड्दै लिग तालिकाको तेस्रो स्थानमा उक्लिएको छ ।
पराजित मुम्बईको भने समान १० खेलमा ६ अंकसहित तालिकाको ९ औं स्थानमा रहेको छ ।
लखनउस्थित एकाना स्पोर्ट्स सिटी रंगशालामा भएको खेलमा १४५ रनको सामान्य विजयी लक्ष्यका साथ जवाफी ब्याटिङमा उत्रिएको लखनउले १९.२ ओभरमा ६ विकेट गुमाउँदै पूरा गर्यो ।
लखनउको जितमा मार्कुस स्टोइनिसले ४५ बलमा ७ चौका र २ छक्का पहार गर्दै सर्वाधिक ६२ रनको अर्धशतकिय पारी खेल्दा कप्तान केएल राहुलले २२ बल खेल्दै ३ चौका र १ छक्का प्रहार गर्दै २८ रन जोडेर पेविलियन फर्किए ।
त्यस्तै, दिपक होडाले १८ बलमा २ चौका प्रहार गर्दै १८ रन जोडेर आउट हुँदा निकोलास पुरनले १४ बल खेल्नेक्रममा १ चौका प्रहार गर्दै १४ रन जोडेर अविजित रहे ।
यता, आयुष बादोनी ६, अश्तोन टर्नर ५ र अर्षिन कुलकर्नी शुन्य रनमा पेविलियन फर्किदा कुर्णाल पाण्डेया भने १ रनमा अविजित रहे ।
लखनउले अतिरिक्त रुपमा ११ रन जोड्यो ।
मुम्बईका लागि कप्तान हार्दिक पाण्डेयाले २ विकेट लिँदा नुवान थुशारा, गेरार्ड कोएट्जे र मोहम्मद नाबीले समान १–१ विकेट लिए ।
त्यसअघि टस हारेर पहिला ब्याटिङमा उत्रिएको मुम्बईले निर्धारित २० ओभरको खेलमा ७ विकेट गुमाउँदै १४४ रन जोड्यो ।
मुम्बईका लागि नेहाल वाधेराले ४१ बलमा ४ चौका र २ छक्का प्रहार गर्दै ४६ रन जोड्दा टिम डेभिडले १८ बल खेल्नेक्रममा ३ चौका र १ छक्का प्रहार गर्दै ३५ रन जोडेर पेविलियन फर्किए ।
त्यस्तै, ओपनर ब्याट्सम्यान तथा विकेटकिपर इशान किसनले ३६ बलमा ३ चौका प्रहार गर्दै ३२ रन जोडेर आउट हुँदा सुर्यकुमार यादवले ६ बलमा १ छक्का प्रहार गर्दै १० रन जोडेर पेविलियन फर्किए ।
यता, तलक बर्मा ७, पुर्व कप्तान रोहित शर्मा ४, मोहम्मद नाबी १ र हार्दिक पाण्डेया शुन्य रनमा पेविलियन फर्किदा गेराल्र्ड कोएट्जे १ रनमा अविजित रहे ।
मुम्बईले अतिरिक्त रुपमा ८ रन जोड्यो ।
मुम्बईलाई सस्तैमा समेत्न लखनउका लागि मोहसिन खानले २ विकेट लिँदा मार्कुस स्टोइनिस, नविन उल हक, मयङ्क यादव र रवि बिस्नोईले समान १–१ विकेट लिए ।
लेखक
