एजेन्सी । भारतमा जारी इन्डियन प्रिमियर लिग (आईपिएल) अन्तर्गत खेलमा कोलकता नाइट राइडर्सले मुम्बई इन्डियन्समाथि जित हासिल गरेको छ ।
शुक्रवार राति भएको आईपिएल खेलमा कोलकता नाइट राइडर्सले पाँच पटकका विजेता मुम्बई इन्डियन्समाथि २४ रनको जित हासिल गरेको हो ।
महत्वपूर्ण जितसंगै कोलकताले १० खेलबाट १४ अंक जोड्दै लिग तालिकाको दोस्रो स्थानमा उक्लिएको छ ।
जारी सिजन खराब लयबाट गुर्जिरहेको मुम्बईको भने ११ खेलबाट मात्र ६ अंकसहित तालिकाको ९ औं स्थानमा छ ।
योसंगै मुम्बईको प्लेअफ पुग्ने सम्भावना पनि समाप्त भएको छ ।
मुम्बईको घरेलु मैदान वानखडे रंगशालामा भएको खेलमा १७० रनको सामान्य विजयी लक्ष्य पछ्याएको घरेलु टोली मुम्बई १८.५ ओभरमा अलआउट हुन पुग्दा मात्र १४५ रनमा समेतियो ।
मुम्बईका लागि सुर्यकुमार यादवले ३५ बलमा ६ चौका र २ छक्का प्रहार गर्दै ५६ रनको अर्धशतकिय पारी खेल्दा टिम डेभिडले २० बल खेल्दै १ चौका र १ छक्का प्रहार गर्दै २४ रन जोडेर पेविलियन फर्किए ।
त्यस्तै, ओपनर ब्याट्सम्यान तथा विकेटकिपर इशान किसनले ७ बलमा १ चौका र १ छक्का प्रहार गर्दै १३ रन जोडेर आउट हुँदा अर्का ओपनर रोहित शर्माले १२ बलमा १ छक्का प्रहार गर्दै ११ रन जोडेर पेविलियन फर्किए ।
यता, नमन धिरले ११ बलमा २ चौका प्रहार गर्दै ११ रन जोड्दै आउट हुँदा गेराल्ड कोएट्जे ८, नेहाल वाधेरा ६, तिलक बर्मा ४, कप्तान हार्दिक पाण्डेया १ र पियुष चावला शुन्य रनमा पेविलियन फर्किए ।
जसप्रित बुमराह भने १ रनमा अविजित रहे ।
मुम्बईले अतिरिक्त रुपमा १० रन जोड्यो ।
कोलकताको जितमा मिट्चेल स्टार्कले ३.५ ओभर बलिङ गर्दै ३३ रन दिएर सर्वाधिक ४ विकेट लिँदा एन्ड्रे रसेल, सुनिल नारिने र वरुण चक्रवर्तीले समान २–२ विकेट लिए ।
त्यसअघि टस हारेर पहिला ब्याटिङमा उत्रिएको भ्रमणकारी टोली कोलकताले १९.५ ओभरमा अलआउट हुँदै १६९ रन जोड्यो ।
कोलकताका लागि भेनकतेश ऐयरले ५२ बलमा ६ चौका र ३ छक्का प्रहार गर्दै सर्वाधिक ७० रनको अर्धशतकिय पारी खेल्दा इम्प्याक्ट प्लेयरका रुपमा मैदान छिरेका मनिस पाण्डेयाले ३१ बल खेल्दै २ चौका र २ छक्का प्रहार गर्दै ४२ रन जोडेर पेविलियन फर्किए ।
त्यस्तै, अंगक्रिश रघुबंशीले ६ बलमा १ छक्का प्रहार गर्दै १३ रन जोडेर आउट हुँदा रिंकु सिंह ९, ओपनर ब्याट्सम्यान सुनिल नारिने ८, एन्ड्रे रसेल ७, कप्तान श्रेयस ऐयर ६, अर्का ओपनर तथा विकेटकिपर फिल साल्ट ५ र रामदिप सिंह २ रनमा पेविलियन फर्किए ।
यता, मिट्चेल स्टार्क र बैभव अरोराले अंकको खाता नै खोल्न सकेनन् ।
कोलकताले अतिरिक्त रुपमा ७ रन जोड्यो ।
कोलकतालाई अलआउट गर्न मुम्बईका लागि जसप्रित बुमराह र नुवन थुशाराले समान ३–३ विकेट लिँदा हार्दिक पाण्डेयाले २ तथा पियुष चावलाले १ विकेट लिए ।
लेखक
