एजेन्सी । भारतमा जारी इन्डियन प्रिमियर लिग (आईपिएल) अन्तर्गत खेलमा कोलकता नाइट राइडर्सले रोमाञ्चक जित हासिल गरेको छ ।
आईतवार भएको आईपिएलअन्तर्गत पहिलो खेलमा रोयल च्यालेन्जर्स बेङ्गलुरुमाथि कोलकता नाइट राइडर्सले रोमाञ्चक १ रनको जित हासिल गरेको हो ।
प्रतिस्पर्धात्मक जितसंगै कोलकताले ७ खेलबाट १० अंक जोड्दै लिग तालिकामा दोस्रो स्थानमा उक्लिएको छ ।
पराजित बेङ्गलुरुको ८ खेलबाट २ अंकसहित तालिकाको १० औं स्थान अर्थात् पुच्छारमा रहेको छ ।
कोलकताको घरेलु मैदान इडेन गार्डेन्स रंगशालामा भएको खेलमा २२३ रनको विजयी लक्ष्यका साथ जवाफी ब्याटिङमा उत्रिएको बेङ्गलुरुले निर्धारित २० ओभरको खेलमा अन्तिम बलमा अलआउट हुँदा मात्र २२१ रनमा समेतियो ।
जितका लागि अन्तिम बलमा ३ रन र सुपर ओभरमा जान २ रन आवश्यक अवस्थामा लोकी फर्गुसन दोस्रो रन लिनेक्रममा रनआउट हुँदा घरेलु टोलीले खेल १ रनले जित्यो ।
बेङ्गलुरुका लागि विल ज्याक्सले ३२ बलमा ४ चौका र ५ छक्का प्रहार गर्दै ५५ रनको अर्धशतकिय पारी खेल्दा रजत पातिदारले २३ बलमा ३ चौका र ५ छक्का प्रहार गर्दै ५२ रनको अर्धशतकिय पारी खेल्दै पेविलियन फर्किए ।
त्यस्तै, विकेटकिपर दिनेश कार्तिकले १८ बलमा ३ चौका र १ छक्का प्रहार गर्दै २५ रन जोडेर आउट हुँदा इम्प्याक्ट प्लेयरका रुपमा मैदान आएका सुयश प्रभुदेसाईले १८ बल खेल्दै ३ चौका प्रहार गरेर २४ रन जोडेर पेविलियन फर्किए ।
यता, कर्ण शर्माले ७ बलमा ३ छक्का प्रहार गर्दै २० रन जोडेर आउट हुँदा ओपनर ब्याट्सम्यान विराट कोहली ७ बलमा १ चौका र २ छक्का प्रहार गर्दै १८ रन जोडेर पेविलियन फर्किए ।
कप्तान फाफ दु प्लेसिस ७, क्यामरन ग्रिन ६, माहिपाल लाम्रोर ४ र लोकी फर्गुसन १ रनमा पेविलियन फर्किदा मोहम्मद सिराज शुन्य रनमा अविजित रहे ।
बेङ्गलुरुले अतिरिक्त रुपमा ९ रन जोड्यो ।
कोलकताका लागि एन्ड्रे रस्सेलले ३ ओभर बलिङ गर्दै २५ रन दिएर ३ विकेट लिँदा सुनिल नारिनेले ४ ओभर बलिङ गर्दै ३४ रन खर्चिएर २ विकेट लिए ।
त्यस्तै, हर्षित राणाले ४ ओभर बलिङ गर्दै ३३ दिएर २ विकेट लिँदा मिट्चेल स्टार्क र वरुण चक्रवर्तीले समान १–१ विकेट लिए ।
त्यसअघि टस हारेर पहिला ब्याटिङमा उत्रिएको कोलकताले निर्धारित २० ओभरको खेलमा ६ विकेट गुमाउँदै २२२ रन जोड्यो ।
कोलकताका लागि कप्तान श्रेयस ऐयरले ३६ बलमा ७ चौका र १ छक्का प्रहार गर्दै ५० रनको अर्धशतक बनाउँदा ओपनर ब्याट्सम्यान तथा विकेटकिपर फिल साल्टले १४ बल खेल्दै ७ चौका र ३ छक्का प्रहार गर्दै ४८ रन जोडेर पेविलियन फर्किए ।
त्यस्तै, एन्ड्रे रस्सेलले २० बलमा ४ चौका प्रहार गर्दै २७ रन जोडेर अविजित रहँदा रामदिप सिंहले ९ बल खेल्नेक्रममा २ चौका र २ छक्का प्रहार गर्दै २४ रन जोडेर अविजित रहे ।
यता, रिंकु सिंहले १६ बलमा २ चौका र १ छक्का प्रहार गर्दै २४ रन जोडेर आउट हुँदा भेनकतेश ऐयरले ८ बल खेल्दै ३ चौका प्रहार गरेर १६ रन जोडेर पेविलियन फर्किए ।
अर्का ओपनर सुनिल नारिनेले १५ बलमा २ चौका प्रहार गर्दै १० रन जोडेर आउट हुँदा अंगक्रिश रघुबंशीले ३ रन जोडेर पेविलियन फर्किए ।
कोलकताले अतिरिक्त रुपमा २० रन जोड्यो ।
बेङ्गलोरका लागि क्यामरन ग्रिनले ४ ओभर बलिङ गर्दै ३५ रन दिएर २ विकेट लिँदा यश डयालले ४ ओभर बलिङ गर्नेक्रममा ५६ रन खर्चिएर २ विकेट लिए ।
त्यस्तै, मोहम्मद सिराजले ४ ओभर बलिङ गर्दै ४० रन दिएर १ विकेट लिँदा लोकी फर्गुसनले ४७ रन खर्चिएर १ विकेट लिए ।
लेखक
