एजेन्सी । राजस्थान रोयल्सले इन्डियन प्रिमियर लिग (आईपिएल) अन्तर्गत खेलमा दिल्ली क्यापिटल्समाथि जित हासिल गरेको छ ।
विहिवार राति भएको आईपिएल खेलमा राजस्थान रोयल्सले दिल्ली क्यापिटल्समाथि १२ रनको जित हासिल गरेको हो ।
जितसंगै राजस्थानले २ खेलबाट ४ अंक जोड्दै लिग तालिकाको दोस्रो स्थानमा उक्लिएको छ ।
पराजित दिल्लीले भने अहिलेसम्म अंकको खाता खोल्न सकेको छैन ।
राजस्थानको जयपुरस्थित सवाई मानसिंह रंगशालामा भएको खेलमा १८६ रनको विजयी लक्ष्यका साथ जवाफी ब्याटिङमा उत्रिएको दिल्ली निर्धारित २० ओभरको खेलमा ५ विकेट गुमाउँदै मात्र १७३ रनमा समेतियो ।
दिल्लीका लागि ओपनर ब्याट्सम्यान डेभिड वार्नरले ३४ बलमा ५ चौका र ३ छक्का प्रहार गर्दै ४९ रन जोड्दा ट्रिस्टान स्टुब्सले २३ बल खेल्दै २ चौका र ३ छक्का प्रहार गर्दै ४४ रन जोडेर पेविलियन फर्किए ।
त्यस्तै, कप्तान तथा विकेटकिपर रिसब पन्तले २६ बल खेल्दै २ चौका र १ छक्का प्रहार गर्दै २८ रन जोडेर पेविलियन फर्किदा अर्का ओपनर मिटचेल मार्सले १२ बलमा ५ चौका प्रहार गर्दै २३ रन जोड्दै आउट भए ।
यता, अक्षर पटेलले १३ बलमा १ चौका मद्दतमा १५ रन जोडेर अविजित रहँदा इम्प्याक्ट प्लेयरका रुपमा मैदान आएका अभिषेक पोरेलले १० बलमा ९ रन जोडेदै पेविलियन फर्किए ।
रिकी भुइ भने शुन्य रनमा पेविलियन फर्किए ।
दिल्लीले अतिरिक्त रुपमा ५ रन जोड्यो ।
दिल्लीमाथि जित निकाल्न राजस्थानका लागि इम्प्याक्ट प्लेयर नान्द्रे बुर्गर र युजभेन्द्र चाहलले समान २–२ विकेट लिँदा आभेष खानले १ विकेट लिए ।
त्यसअघि टस हारेर पहिला ब्याटिङमा उत्रिएको राजस्थानले निर्धारित २० ओभरको खेलमा ५ विकेट गुमाउँदै १८५ रन जोड्यो ।
राजस्थानका लागि रियान परागले ४५ बलमा ७ चौका र ६ छक्का प्रहार गर्दै सर्वाधिक ८४ रन जोड्दै अविजित रहँदा रविचन्द्रन आश्विनले १९ बल खेल्दै ३ चौका प्रहार गरेर २९ रन जोड्यो ।
त्यस्तै, ध्रुव जुरेलले १२ बलमा ३ चौका प्रहार गर्दै २० रन जोडेर आउट हुँदा कप्तान तथा विकेटकिपर सन्जु सामसनले १४ बल खेल्नेक्रममा ३ चौका प्रहार गर्दै १५ रन जोडेर पेविलियन फर्किए ।
यता, शिमरन हेटमायरले ७ बलमा १ चौका र १ छक्का प्रहार गर्दै १४ रन जोडेर अविजित रहँदा ओपनर ब्याट्सम्यान जोस बटलरले १६ बलको सामाना गर्दा ११ रन जोडेर पेविलियन फर्किए ।
अर्का ओपनर यशस्वी जैसवाल भने ५ रनमा पेविलियन फर्किए ।
राजस्थानले अतिरिक्त रुपमा ७ रन जोड्यो ।
दिल्लीका लागि खलिल अहमद, मुकेश कुमार, एनरिच नोर्टजे, अक्षर पटेल र कुलदिप यादवले समान १–१ विकेट लिए ।
लेखक
