एजेन्सी । भारतमा जारी १८ औं संस्करणको इन्डियन प्रिमियर लिग (आईपिएल) मा मुम्बई इन्डियन्सले जित रचेको छ ।
आईतवार राति भएको खेलमा पाँचपल्टको विजेता मुम्बई इन्डियन्सले जारी सिजन लयमा रहेको दिल्ली क्यापिटल्समाथि १२ रनको जित रचेको हो ।
महत्वपूर्ण जितसंगै मुम्बईले ६ खेलबाट २ मा जित र ४ मा हारको नतिजसहित ४ अंक जोडेर लिग तालिकाको सातौं स्थानमा उक्लिएको छ ।
सिजनमा पहिलो हारको सामना गरेको दिल्लीको ५ खेलबाट ८ अंकसहित तालिकाको दोस्रो स्थानमा कायम रहेको छ ।
दिल्लीको घरेलु मैदान अरुण जेट्ली रंगशालामा भएको खेलमा २०६ रनको विजयी लक्ष्य पछ्याएको दिल्ली १९ ओभरमा अलआउट हुन पुग्दामात्र १९३ रनमा समेतियो ।
दिल्लीका लागि इम्प्याक्ट प्लेयरका रुपमा मैदान आएका करुण नाइरले ४० बलमा १२ चौका र ५ छक्का प्रहार गर्दै सर्वाधिक ८९ रन जोड्दा ओपनर ब्याट्सम्यान अभिषेक पोरेलले २५ बलमा ३ चौका र १ छक्का प्रहार गर्दै ३३ रन जोडेर पेविलियन फर्किए ।
त्यस्तै, विकेटकिपर केएल राहुलले १३ बलमा १ चौका प्रहार गर्दै १५ रन जोडेर आउट हुँदा आशुतोष शर्माले १४ बल खेल्दै २ चौका प्रहार गरेर १७ रन जोडेर पेविलियन फर्किए ।
यता, भिपराज निगमले ८ बलमा १ चौका र १ छक्का प्रहार गर्दै १४ रन बनाएर आउट हुँदा कप्तान अक्षर पटेल ९ रनमा पेविलियन फर्किए ।
मिट्चेल स्टार्क ट्रिस्टन स्टुब्स, कुलदिप यादव समान १–१ रन तथा अर्का ओपनर ज्याक फ्रेसर म्याकग्रुक र मोहित शर्मा रनको खाता नै नखोली पेविलियन फर्किए ।
दिल्लीले अतिरिक्त रुपमा १३ रन जोड्यो ।
दिल्लीलाई अलआउट गर्न मुम्बईका लागि कर्ण शर्माले ३ विकेट लिँदा मिट्चेल सान्टेनरले २ तथा जसप्रित बुमराह र दिपक चारले समान १–१ विकेट लिए ।
त्यसअघि टस हारेर पहिला ब्याटिङमा उत्रिएको मुम्बईले निर्धारित २० ओभरको खेलमा ५ विकेट गुमाउँदै २०५ रन जोड्यो ।
मुम्बईका लागि तिलक बर्माले ३३ बलमा ६ चौका र ३ छक्का प्रहार गर्दै ५९ रनको अर्धशतकिय पारी खेल्दा सुर्यकुमार यादवले २८ बल खेल्दै ५ चौका र २ छक्का प्रहार गरेर ४० रन जोड्दै पेविलियन फर्किए ।
त्यस्तै, ओपनर ब्याट्सम्यान तथा विकेटकिपर रायन रिकेल्टनले २५ बलमा ५ चौका र २ छक्का प्रहार गर्दै ४१ रन जोडेर आउट हुँदा नमन धिरले १७ बल खेल्नेक्रममा ३ चौका र २ छक्का प्रहार गर्दै ३८ रन जोडेर अविजित रहे ।
यता, अर्का ओपनर रोहित शर्माले १२ बलमा २ चौका र १ छक्का प्रहार गर्दै १८ रन जोडेर आउट हुँदा कप्तान हार्दिक पाण्डेया २ रनमा पेविलियन फर्किए ।
विल ज्याक्स भने १ रनमा अविजित रहे ।
मुम्बईले अतिरिक्त रुपमा ६ रन जोड्यो ।
दिल्लीका लागि कप्तान अक्षर पटेल र कुलदिप यादवले समान २–२ विकेट लिँदा मुकेश कुमारले १ विकेट लिए ।
लेखक
