एजेन्सी । भारतमा जारी इन्डियन प्रिमियर लिग (आईपिएल) अन्तर्गत खेलमा दिल्ली क्यापिटल्समाथि रोयल च्यालेन्जर्स बेङ्गलुरुले जित निकालेको छ ।
आईतवार राति भएको आईपिएलअन्तर्गत दोस्रो खेलमा दिल्ली क्यापिटल्समाथि रोयल च्यालेन्जर्स बेङ्गलुरुले ४७ रनको जित निकालेको हो ।
महत्वपूर्ण जितसंगै बेङ्गलुरुले १३ खेलबाट ६ मा जित र ७ मा हारको नतिजासहित १२ अंक जोड्दै लिग तालिकाको पाँचौं स्थानमा उक्लिएको छ ।
योसंगै बेङ्गलुरुले प्लेअफमा प्रवेश गर्ने सम्भावनालाई जिवितै राखेको छ ।
उता, पराजित दिल्लीको भने समान १३ खेलमा १२ नै अंकसहित तालिकाको छैटौं स्थानमा झरेको छ ।
दिल्ली नेट रन नेटका आधारमा छैटौं स्थानमा झरेको हो ।
बेङ्गलुरुको घरेलु मैदान एम. चिन्नस्वामी रंगशालामा भएको खेलमा १८८ रनको विजयी लक्ष्यका साथ जवाफी ब्याटिङमा उत्रिएको दिल्ली १९.१ ओभरमा अलआउट हुँदा मात्र १४० रनमा समेतियो ।
दिल्लीका लागि अक्षर पटेलले ३९ बलमा ५ चौका र ३ छक्का प्रहार गर्दै ५७ रनको अर्धशतकिय पारी खेल्दा साई होपले २३ बल खेल्दै ४ चौका प्रहार गरेर २९ रन जोडेर पेविलियन फर्किए ।
त्यस्तै, ओपनर ब्याट्सम्यान ज्याक फ्रेसर म्याकग्रुकले ८ बल खेल्नेक्रममा २ चौका र २ छक्का प्रहार गर्दै २१ रन जोडेर आउट हुँदा रासिक सलामले १२ बलमा १ छक्का प्रहार गर्दै १० रन जोडेर पेविलियन फर्किए ।
यता, कुलदिप यादव ६, ट्रिस्टान स्टुब्स र मुकेश कुमार समान ३–३, विकेटकिपर अभिषेक पोराल र कुमार कुशाग्रा २–२, अर्का ओपनर डेभिड वार्नर १ रनमा पेविलियन फर्किए ।
दिल्लीले अतिरिक्त रुपमा ६ रन जोड्यो ।
दिल्लीलाई सस्तैमा अलआउट गर्दै महत्वपूर्ण जित निकाल्न बेङ्गलुरुका लागि यश डयालले ३ विकेट लिँदा लौकी फगुर्शनले २, क्यामरन ग्रिन, मोहम्मद सिराज र स्वप्निल सिंहले समान १–१ विकेट लिए ।
त्यसअघि टस हारेर पहिला ब्याटिण्मा उत्रिएको बेङ्गलुरुले निर्धारित २० ओभरको खेलमा ९ विकेट गुमाउँदै १८७ रन जोड्यो ।
घरेलु टोलीका लागि रजत पातिदारले ३२ बलमा ३ चौका र ३ छक्का प्रहार गर्दै ५२ रनको अर्धशतकिय पारी खेल्दा क्यामरन ग्रिनले २४ बल खेल्नेक्रममा १ चौका र २ छक्का प्रहर गर्दै ३२ रन जोडेर अविजित रहे ।
त्यस्तै, विल ज्याक्सले २९ बलमा३ चौका र २ छक्का प्रहार गर्दै ४१ रन जोडेर आउट हुँदा पुर्व कप्तान विराट कोहोलीले १३ बल खेल्दै १ चौका र ३ छक्का प्रहार गर्दै २७ रन जोडेर पेविलियन फर्किए ।
यता, माहिपाल लोमरोरले ८ बलमा १ छक्का प्रहार गर्दै १३ रन जोडेर आउट हुँदा कप्तान फाफ दु प्लेसिस र कर्ण शर्मा समान ६–६ रन जोडेर पेविलियन फर्किए ।
घरेलु टोलीका अन्य ३ खेलाडीले अंकको खाता नै खोल्न सकेन ।
बेङ्गलुरुले अतिरिक्त रुपमा १० रन जोड्यो ।
दिल्लीका लागि खलिल अहमेद र रासिक सलामले समान २–२ विकेट लिँदा इशान्त शर्मा, मुकेश कुमार र कुलदिप यादवले १–१ विकेट लिए ।
लेखक
