एजेन्सी । मुम्बई इन्डियन्स भारतिय शीर्ष फ्रेन्चाइज प्रतियोगिता इन्डियन प्रिमियर लिग (आईपिएल) अन्तर्गत पहिलो खेलमा गुजरात टाइटन्ससंग पराजित भएको छ ।
आईतवार राति भएको आईपिएल खेलमा पाँचपटकका विजेता मुम्बई इन्डियन्स साविक उपविजेता गुजरात टाइटन्ससंग ६ रनले पराजित भएको हो ।
जितसंगै गुजरातले अंक तालिकामा महत्वपूर्ण २ अंक जोड्न सफल भयो ।
भारतको नरेन्द्र मोदी रंगशालामा भएको रोमाञ्चक खेलमा १६९ रनको विजयी लक्ष्य पछ्याएको मुम्बई निर्धारित २० ओभरको खेलमा ९ विकेट गुमाउँदै मात्र १६२ रनमा समेतियो ।
मुम्बईका लागि इम्प्याक्ट प्लेयरका रुपमा मैदान छिरेका डेवाल्ड ब्रेभिसले ३८ बलमा २ चौका र ३ छक्का प्रहार गर्दै ४६ रन जोड्दा पुर्वकप्तान रोहित शर्माले २९ बलमा ७ चौका र १ छक्का प्रहार गर्दै ४३ रन जोड्दै पेविलियन फर्किए ।
त्यस्तै, तिलक बर्माले १९ बलमा १ चौका र १ छक्का प्रहार गर्दै २५ रन जोडेर आउट हुँदा नमन धिरले १० बल खेल्दै ३ चौका र १ छक्का प्रहार गरेर २० रन जोड्दै पेविलियन फर्किए ।
यता, कप्तान हार्दिक पाण्डेयाले ४ बलमा १ चौका र १ छक्का प्रहार गर्दै ११ रन जोडेर आउट हुँदा टिम डेभिडले १० बल खेल्दै १ छक्का प्रहार गरेर ११ रन जोड्दै पेविलियन फर्किए ।
जसप्रित बुमराह र शाम्स मुलानी समान १–१ रनमा अविजित रहँदा जेरार्ड कोएट्जी १ रनमा आउट भए ।
विकेटकिपर इशान किसन र पियुष चावला शुन्य रनमा पेविलियन फर्किए ।
मुम्बईले अतिरिक्त रुपमा ३ रन जोड्यो ।
मुम्बईमाथि रोमाञ्चक जित हासिल गर्न गुजरातका लागि अज्मतुल्लाह ओमारजाई, उमेश यादव, स्पेन्सर जोन्सन र मोहित शर्माले समान २–२ विकेट लिँदा रविश्रीनिवासन साई किशोरेले १ विकेट लिए ।
त्यसअघि टस हारेर पहिला ब्याटिङमा उत्रिएको गुजरात टाइटन्सले निर्धारित २० ओभरको खेलमा ६ विकेट गुमाउँदै १६८ रन जोड्यो ।
गुजरातका लागि साई सुदर्शनले ३९ बलमा ३ चौका र १ छक्का प्रहार गर्दै ४५ रन जोड्दा कप्तान सुबमन गिलले २२ बल खेल्दै ३ चौका र १ छक्का प्रहार गरेर ३१ रन जोड्दै पेविलियन फर्किए ।
त्यस्तै, विकेटकिपर व्रिद्दिमन साहाले १५ बलमा ४ चौका प्रहार गर्दै १९ रन जोडेर आउट हुँदा अज्मतुल्लाह ओमरजाईले ११ बल खेल्नेक्रममा १ चौका र १ छक्का प्रहार गर्दै १७ रन जोडेर पेविलियन फर्किए ।
यता, डेभिड मिल्लरले ११ बलमा १ चौका प्रहार गर्दै १२ रन जोडेर पेविलियन फर्किदा राहुल टेवातियाले १५ बलको सामना गर्दा २ चौका र १ छक्का प्रहार गर्दै २२ रन जोडेर पेविलियन फर्किए ।
विजय शंकर ६ र राशिद खान ४ रनमा अविजित रहे ।
गुजरातले अतिरिक्त रुपमा १२ रन जोड्यो ।
मुम्बईका लागि जसप्रित बुमराहले ३, जेरार्ड कोएट्जेले २ र पियुष चावलाले १ विकेट लिए ।
लेखक
