एजेन्सी । भारतमा जारी इन्डियन प्रिमियर लिग (आईपिएल) अन्तर्गत खेलमा गुजरात टाइटन्समाथि रोयल च्यालेन्जर्स बेङ्गलुरुले सहज जित निकालेको छ ।
सनिवार राति भएको आईपिएल खेलमा गुजरात टाइटन्समाथि रोयल च्यालेन्जर्स बेङ्गलुरुले ४ विकेटको सहज जित हासिल गरेको हो ।
महत्वपूर्ण जितसंगै बेङ्गलुरुले ११ खेलबाट ८ अंक जोड्दै लिग तालिकामा सातौं स्थानमा उक्लिएको छ ।
गुजरात र पञ्जाब किंग्सको पनि समान अंक भएपनि नेट रननेटका आधारमा बेङ्गलुरु सातौं स्थानमा उक्लिएको हो ।
योसंगै बेङ्गलुरुले सुपर चारमा प्रवेश गर्ने सम्भावनालाई पनि जिवितै राखेको छ ।
पराजित गुजरातको भने ११ खेलमा ८ अंकसहित तालिकाको ९ औं स्थानमा झरेको छ ।
बेङ्गलुरुको घरेलु मैदान एम. चिन्नस्वामी रंगशालामा भएको खेलमा १४८ रनको सामान्य विजयी लक्ष्य पछ्याएको घरेलु टोलीले १३.४ ओभरमा ६ विकेट गुमाउँदै १५२ रन जोड्यो ।
बेङ्गलुरुको जितमा ओपनर ब्याट्सम्यान तथा विकेटकिपर फाफ दु प्लेसिसले २३ बलमा १० चौका र ३ छक्का प्रहार गर्दै सर्वाधिक ६४ रनको अर्धशतकिय पारी खेल्दा अर्का ओपनर विराट कोहोलीले २७ बल खेल्नेक्रममा २ चौका र ४ छक्का प्रहार गर्दै ४२ रन जोड्दै पेविलियन फर्किए ।
त्यस्तै, विकेटकिपर दिनेश कार्तिकले १२ बलमा ३ चौका प्रहार गर्दै २१ रन जोडेर अविजित रहँदा स्वप्निल सिंहले ९ बल खेल्दै २ चौका र १ छक्का प्रहार गर्दै १५ रन जोडेर अविजित रहे ।
यता, ग्लिन म्याक्सवेल ४, रजत पातिदार २, विल ज्याक्स र क्यामरन ग्रिनले १–१ रन जोड्दै पेविलियन फर्किए ।
बेङ्गलुरुले अतिरिक्त रुपमा २ रन जोड्यो ।
गुजरातका लागि जोशुआ लिटलले ४ ओभर बलिङ गर्दै ४५ रन खर्चिएर ४ विकेट लिँदा नुर अहमदले ४ ओभर बलिङ गर्दै २३ रन दिँदै २ विकेट लिए ।
त्यसअघि टस हारेर पहिला ब्याटिङमा उत्रिएको गुजरातले १९.३ ओभरमा अलआउट हुँदै १४७ रन जोड्यो ।
गुजरातका लागि शाहरुख खानले २४ बलमा ५ चौका र १ छक्का प्रहार गर्दै ३७ रन जोडेर रनआउट हुँदा राहुल तेवातियाले २१ बल खेल्दै ५ चौका र १ छक्का प्रहार गर्दै ३५ रन जोडेर पेविलियन फर्किए ।
त्यस्तै, डेभिड मिलरले २० बलमा ३ चौका र २ छक्का प्रहार गर्दै ३० रन जोडेर आउट हुँदा राशिद खानले १४ बल खेल्नेक्रममा २ चौका र १ छक्का प्रहार गर्दै १८ रन जोडेर पेविलियन फर्किए ।
यता, इम्प्याक्ट प्लेयरका रुपमा मैदान छिरेका विजय शंकरले ७ बलमा २ चौका प्रहार गर्दै १० रन जोडेर आउट हुँदा साई सुदर्शन ६, कप्तान सुभमन गि २, विकेटकिपर वृदिमन साहा र मानव सुथर समान १–१ रनमा पेविलियन फर्किए ।
मोहित शर्मा शुन्य रनमा पेविलियन फर्किदा नुर अहमद भने शुन्य रनमा अविजित रहे ।
गुजरातले अतिरिक्त रुपमा ७ रन जोड्यो ।
गुजरातलाई सस्तैमा अलआउट गर्न बेङ्गलुरुका लागि मोहम्मद सिराजले ४ ओभर बलिङ गर्दै २९ रन खचिृएर २ विकेट लिँदा यश डयालले ४ ओभरमा २१ रन दिएर २ विकेट लिए ।
त्यस्तै, भि.भि कुमारले ३.३ ओभर बलिङ गर्दै २३ रन दिएर २ विकेट लिँदा क्यामरन ग्रिन र कर्ण शर्माले समान १–१ विकेट लिए ।
लेखक
