एजेन्सी । इन्डियन प्रिमियर लिग (आईपिएल) अन्तर्गत खेलमा कोलकता नाइट राइडर्सले सनराइजर्स हैदराबादमाथि रोमाञ्चक जित हासिल गरेको छ ।
सनिवार राति भएको आईपिएलअन्तर्गत खेलमा कोलकता नाइट राइडर्सले सनराइजर्स हैदराबादमाथि रोमाञ्चक ४ रनको जित हासिल गरेको हो ।
रोमाञ्चक जितसंगै कोलकताले अंक तालिकामा महत्वपूर्ण २ अंक जोडेको छ ।
कोलकताको घरेलु मैदान इडेन गार्डेन्स क्रिकेट रंगशालामा भएको खेलमा २०९ रनको विशाल विजयी लक्ष्यका साथ जवाफी ब्याटिङमा उत्रिएको हैदराबादले निर्धारित २० ओभरको खेलमा ७ विकेट गुमाउँदै २०४ रन जोड्न सक्यो ।
भ्रमणकारी टोली हैदराबादका लागि अन्तिम बलमा जितका लागि ५ रन आवश्यक रहेको अवस्थामा १ रनमात्र जोड्दा ४ रनले पराजय बेहोर्न पुग्यो ।
हैदराबादका लागि विकेटकिपर हेनरिच क्लासेनले २९ बलमा ८ छक्का प्रहार गर्दै ६३ रनको उत्कृष्ट अर्धशतकिय पारी खेल्दा ओपनर ब्याट्सम्यान मयङ्क अग्रवालले २१ बल खेल्नेक्रममा ४ चौका र १ छक्का प्रहार गर्दै ३२ रन जोडेर पेविलियन फर्कियो ।
त्यस्तै, इम्प्याक्ट प्लेयरका रुपमा मैदान छिरेका अर्का ओपनर अभिषेक शर्माले १९ बलमा ४ चौका र २ छक्का प्रहार गर्दै ३२ रन जोडेर पेविलियन फर्किदा राहुल त्रिपाठीले २० बल खेल्नेक्रममा १ छक्का मद्दतमा २० रन नै जोडेर आउट भए ।
यता, अैदेन मार्करामले १३ बलमा २ चौका प्रहार गर्दै १८ रन जोडेर आउट हुँदा शाहबाज अहमेदले ५ बलमा १ चौका र २ छक्का प्रहार गर्दै १६ रन जोडेर पेविलियन फर्किए ।
अब्दुल सामदले ११ बलमा १ चौका र १ छक्का प्रहार गर्दै १५ रन जोडेर आउट हुँदा मार्को जन्सेन १ र कप्तान प्याट कमिन्स शुन्य रनमा अविजित रहे ।
हैदराबादले अतिरिक्त रुपमा ७ रन जोड्यो ।
प्रतिस्पर्धात्मक खेलमा हैदराबादमाथि रोमाञ्चक जित निकाल्न कोलकताका लागि हर्षित राणाले ४ ओभर बलिङ गर्नेक्रममा ३३ रन दिएर ३ विकेट लिँदा एन्ड्रे रसेलले २ ओभर बलिङ गर्दै २५ रन दिएर २ विकेट लिए ।
त्यस्तै, वरुण चक्रवर्ती र सुनिल नारिनेले समान १–१ विकेट लिए ।
त्यसअघि टस हारेर पहिला ब्याटिङमा उत्रिएको कोलकता नाइट राइडर्सले निर्धारित २० ओभरको खेलमा ७ विकेट गुमाउँदै २०८ रन जोड्यो ।
कोलकताका लागि एन्ड्रे रसेलले विष्पोटक पारी खेल्नेक्रममा २५ बलमा ३ चौका र ७ छक्का प्रहार गर्दै ६४ रनको अर्धशतकिय पारी खेल्दै अविजित रहँदा विकेटकिपर फिल साल्टले ४० बल खेल्नेक्रममा ३ चौका र ३ छक्का प्रहार गरेर ५४ रनको अर्धशतकिय पारी खेल्दै पेविलियन फर्किए ।
त्यस्तै, रमनदिप सिंहले १७ बलमा १ चौका र ४ छक्का प्रहार गर्दै ३५ रन जोडेर पेविलियन फर्किदा रिंकु सिंहले १५ बदमा ३ चौका प्रहार गर्दै २३ रन जोडेर आउट भए ।
यता, नितिश राण ९, भेनकटेस ऐयर ७, सुनिल नारिने २ रनमा पेविलियन फर्किदा मिट्चेल स्टार्क ६ रनमा अविजित रहे ।
कप्तान श्रेयर ऐयरले भने अंकको खाता नै खोल्न सकेन ।
कोलकताले अतिरिक्त रुपमा ८ रन जोड्यो ।
हैदराबादका लागि थङगारासु नतराजनले ४ ओभर बलिङ गर्दै ३२ रन दिएर ३ विकेट लिँदा मयङ्क मार्कान्डेले ४ ओभरमा ३९ रन खर्चिएर २ विकेट लिए ।
त्यस्तै, कप्तान प्याट कमिन्सले ४ ओभर बलिण् गर्दै ३२ रन दिएर १ विकेट लिए ।
लेखक
