एजेन्सी । दक्षिण अफ्रिकामा जारी आईसीसी महिला टि–२० विश्वकपको पहिलो सेमिफाइनल खेलमा भारतमाथि रोमाञ्चक ५ रनको जित हात पार्दै अष्ट्रेलिया फाइनलमा प्रवेश गरेको छ ।
विहिवार राति भएको खेलमा १७३ रनको विजयी लक्ष्य पछ्याएको भारत निर्धारित २० ओभरको खेलमा ८ विकेट गुमाउँदै १६७ रनमा समेतिएसंगै अष्ट्रेलियाले रोमाञ्चक रुपमा खेल ५ रनले जितेको थियो ।
न्युल्याण्ड्स क्रिकेट ग्राउण्डमा भएको खेलमा भारतका लागि कप्तान हर्मनप्रित कौरले ३४ बलमा ६ चौका र १ छक्का प्रहार गर्दै सर्वाधिक ५२ रनको अर्धशतकिय रन जोडिन् ।
त्यस्तै, जेमिमाह रोड्रिगेजले २४ बल खेल्दै ६ चौका मद्दतमा ४३ रन जोड्दा विकेटकिपर रिचा घोषले १७ बलमा १ चौका मद्दतमा १४ रन बनाउँदै पेविलियन फर्किइन् ।
दिप्ती शर्मा १७ बलमा २ चौका प्रहार गर्दै २० रनमा अविजित रहँदा स्नेहा राणाले १० बलमा १ चौका प्रहार गर्दै ११ रनमा आउट भईन् ।
भारतका अन्य ब्याटरले दोहोरो अंकमा रन बटुल्न सकेनन् । शफाली बर्माले ९, यस्तिका भाटियाले ४, स्मिृति मन्दनाले २ रन जोड्दै आउट हुँदा शिक्षा पाण्डे १ रनमा अविजित रहिन् ।
राधा यादव भने शुन्य रनमा पेविलियन फर्किइन् । भारतले अतिरिक्त रुपमा ११ रन जोडेको थियो ।
अष्ट्रेलियाका लागि एस्ले गाड्नर र दार्सी ब्राउनले २–२ विकेट लिँदा मेगन सच्ट र जेस जोनसनले समान १–१ विकेट लिईन् ।
त्यसअघि टस जितेर पहिला ब्याटिङमा उत्रिएको अष्ट्रेलियाले निर्धारित २० ओभरको खेलमा ४ विकेट गुमाउँदै १७२ रन जोडेको थियो ।
अष्ट्रेलियाका लागि बेथ मोनीले ३७ बलमा ७ चौका र १ छक्का मद्दतमा सर्वाधिक ५४ रनको अर्धशतकिय रन जोडिन् ।
कप्तान मेग ल्यानिङ ३४ बल खेल्दै ४ चौका र २ छक्का प्रहार गर्दै ४९ रनमा अविजित रहिन् ।
विकेटकिपर एल्सा हिलेले २६ बलमा ३ चौका मद्दतमा २५ रन जोड्दा एस्ली गाड्नरले १८ बलको सामना गर्दा ५ चौका प्रहार गर्दै ३१ रन जोडिन् ।
ग्रेस ह्यारिसले ७ रन जोड्दै पेविलियन फर्किदा इल्से पेरी २ रनमा अविजित रहिन् । अष्ट्रेलियाले ४ रन अतिरिक्त रुपमा जोडेको थियो ।
भारतका लागि शिक्षा पाण्डेले २ विकेट लिँदा दिप्ती शर्मा र राधा यादवले समान १–१ विकेट लिईन् ।
लेखक
