एजेन्सी । भारत र अष्ट्रेलियाबीचको टेस्ट क्रिकेटको पहिलो दिन भारतले राम्रो सुरुवात गर्दै इंनिङ्स समापन गरेको छ ।
विहिवार भारतस्थित भिसिए रंगशालामा भएको पहिलो दिनको खेलमा घरेलु टोलीले अष्ट्रेलियालाई ६३.५ ओभरमा १७७ रनमा रोक्दै ब्याटिङ थालेको थियो ।
भारतले २४ ओभरसम्म खेल्दा १ विकेटको क्षतिमा ७७ रन जोडेको छ । योसंगै पहिलो दिन भारत अष्ट्रेलियासंग मात्र १०० रनले पछि छ ।
भारतका लागि कप्तान रोहित शर्माले अविजित रहँदै ६९ बलमा ५६ रन बनाएको छ । रोहितले ९ चौका र १ छक्का प्रहार गरेका थिए ।
यता, केएल राहुल ७१ बल खेल्ने क्रममा १ चौका मद्दतमा २० रन जोड्दै पेविलियन फर्किए । रविचन्द्रन आश्विन शुन्य रनमा अविजित छन् ।
त्यसअघि टस जितेर पहिला ब्याटिङ रोजेको अष्ट्रेलियाले ६३.५ ओभर खेल्दै १० विकेट गुमाउँदै १७७ रन बनाएको थियो ।
अष्ट्रेलियाका लागि मार्नुस लबिसक्याग्नीले १२३ बल सामना गर्दै ८ चौका मद्दतमा सर्वाधिक ४९ रन जोडे ।
त्यस्तै, स्टिभ स्मिथले १०७ बलमा ७ चौका प्रहार गर्दै ३७ रन बनाए । विकेट किपर एलेक्स क्यारेले ३३ बलमा ७ चौका प्रहार गर्दै ३६ रन बनाउँदा पिटर ह्यान्सकमले ८४ बल खेल्दै ४ चौका मद्दतमा ३१ रन बनाए ।
भ्रमणकारी टोलीका अन्य ब्याट्सम्यानले दोहोरो अंकमा रन जोड्न सकेनन् ।
भारतका लागि रविन्द्र जडेजाले २२ ओभर बलिङ गर्दै ८ मेडन राख्दै ४७ रन खर्चिएर सर्वाधिक ५ विकेट लिए ।
त्यस्तै, रविचन्द्रन आश्विनले १५.५ ओभरमा २ मेडन राख्दै ४२ रन खर्चिएर ३ विकेट लिए । मोहम्मद शामी र मोहम्मद सिराजले पनि १–१ विकेट लिए ।
आईसीसी विश्व टेस्ट च्याम्पियनसिप २०२३ को फाइनल पुग्न भारतले ४ मध्ये ३ खेल जित्नैपर्नेछ । अष्ट्रेलिया भने फाइनलमा प्रवेश गरिसकेको छ ।
लेखक
