एजेन्सी । भारतमाथि २१ रनको जित हात पार्दै अष्ट्रेलियाले एकदिवसीय अन्तराष्ट्रिय (ओडिआई) सिरिज २–१ ले जितेको छ ।
बुधवार भएको सिरिजअन्तर्गत तेस्रो तथा अन्तिम खेलमा भ्रमणकारी टोली अष्ट्रेलियाले भारतमाथि २१ रनको जित हात पारेको हो ।
एमए चिदमवरम रंगशालामा भएको खेलमा २७० रनको विजयी लक्ष्य पछ्याएको भारतले ४९.१ ओभरमा अलआउट हुँदै मात्र २४८ रनमा समेतिदा अष्ट्रेलिया विजयी भएको हो ।
भारतका लागि विराट कोहोलीले ७२ बलमा २ चौका र १ छक्का प्रहार गर्दै ५४ रनको अर्धशतकिय पारी खेल्दा हार्दिक पाण्डेयाले ४० बलमा ३ चौका १ छक्का मद्दतमा ४० रन बनाउँदै पेविलियन फर्किए ।
त्यस्तै, सुभम गिलले ४९ बल खेल्दै ४ चौका र १ छक्का प्रहार गर्दै ३७ रन बनाउँदा कप्तान रोहित शर्माले १७ बलमा २ चौका र २ छक्का प्रहार गर्दै ३० रन जोड्दै पेविलियन फर्किए ।
विकेटकिपर केएल राहुल ५० बल खेल्दै २ चौका र १ छक्कामा ३२ रन जोड्दै पेविलियन फर्किदा रविन्द्र जडेजाले ३३ बलमा १ चौका प्रहार गर्दै १८ रनमा आउट भए ।
भारतका लागि अन्य ब्याट्सम्यानले दोहोरो अंकमा रन जोड्न सकेनन् । घरेलु टोलीले अतिरिक्त रुपमा १२ रन जोडेको थियो ।
अष्ट्रेलियाका लागि एडम जाम्पाले १० ओभर बलिङ गर्ने क्रममा ४५ रन दिएर सर्वाधिक ४ विकेट लिए ।
त्यस्तै, एस्टन एगरले १० ओभरमा ४१ रन दिएर २ विकेट लिँदा मार्कुस स्टोइनिसले ९.१ ओभरमा ४३ रन खर्चिदै १ विकेट लिए ।
सिन अब्बोटले १० ओभरमा ५० रन दिएर १ विकेट लिए ।
त्यसअघि टस जित्दै पहिला ब्याटिङ रोजेको अष्ट्रेलियाले ४९ ओभरमा अलआउट हुँदै २६९ रन बनाएको थियो ।
अष्ट्रेलियाका लागि मिट्चेल मास्चले ४७ बलमा ८ चौका र १ छक्का प्रहार गर्दै ४७ रन जोडे ।
त्यस्तै, विकेटकिपर एलेक्स क्यारीले ४६ बल खेल्दै २ चौका र १ छक्का प्रहार गर्दै ३८ रन जोड्दा ट्राभिस हेडले ३१ बलको सामना गर्दै ४ चौका र २ छक्का प्रहार गर्दै ३३ रन बनाए ।
मार्नस लबुस्काग्नेले ४५ बल खेल्दै १ चौका र १ छक्का प्रहार गर्दै २८ रन बनाउँदै पेविलियन फर्किदा मार्कुस स्टोइनिस २६ बलमा ३ चौका मद्दतमा २५ रन जोड्दै आउट भए ।
यता, डेभिड वार्नर ३१ बल खेल्दै १ चौका प्रहार गर्दै २३ रनमा आउट हुँदा सिन अब्बोट २३ बल खेल्दै २ चौका र १ छक्कामा २६ रन बनाउँदै पेविलियन फर्किए ।
एस्टन एगर २१ बलमा १ छक्का मद्दतमा १७ रन बनाउँदै आउट भए । मिट्चेल स्टार्क १० रनमा आउट हुँदा एडम जाम्पा १० रनमा अविजित रहे ।
अष्ट्रेलियाले १२ रन अतिरिक्त रुपमा जोड्यो ।
भारतका लागि हार्दिक पाण्डेयाले ८ ओभर बलिङ गर्दै ४४ रन खर्चिएर ३ विकेट लिँदा कुलदिप यादवले पनि १० ओभर बलिङ गर्दै १ मेडन राख्दै ५६ रन दिएर ३ विकेट लिए ।
त्यस्तै, अक्षर पटेलले ८ ओभर बलिङ गर्दै ५७ रन दिएर २ विकेट लिँदा मोहम्मद सिराजले ७ ओभर बलिङ गर्दै १ मेडन राखेर ३७ रन खर्चिदै २ विकेट लिएका थिए ।
लेखक
