भक्तपुर । कतारमा जारी फिफा विश्वकपको खेलमा संयुक्त राज्य अमेरिका र वेल्सले बराबरी खेलेको छ ।
सोमवार राति भएको खेलमा अमेरिका र वेल्सले १–१ गोलको बराबरी खेलेको हो । बराबरीसंगै दुवै टोलीले एक एक अंक बाधेका छन् ।
अहम्मद विन अली रंगशालामा सुरुवाती अग्रता भने अमेरिकाले लिएको थियो । खेलको ३६ औं मिनेटमा क्रिस्टियन पुलिसिकको पासमा टिम विचले गोल गर्दै अकेरिकालाई खेलमा १–० ले अघि बढाएका थिए ।
तर, खेलको ८२ औं मिनेटमा ग्यारेथ बेलको गोलसंगै वेल्स खेलमा फर्कियो । बेलले पेनाल्टीमार्फत खेल १–१ को बराबरीमा ल्याएका थिए । त्यसपछि थप गोल भएन र खेल १–१ को बराबरीमा सकियो ।
समूह ‘बी’ मा पहिलो चरणको खेल सकिँदासम्म इंग्ल्याण्ड ३ अंकका साथ शीर्ष स्थानमा छ । अमेरिका र वेल्सको भने समान एक एक अंक छ । इरान विना अंक पुछारमा छ ।
लेखक
