भक्तपुर । कतारमा जारी फिफा विश्वकपको समूह ‘बी’ को खेलमा बलिया मानिएको इंग्ल्याण्ड संयुक्त राज्य अमेरिकासंग गोलरहित बराबरीमा रोकिएको छ ।
शुक्रवार राति अल ब्याट रंगशालामा दुबै टोलीले पाएका केहि राम्रा अवसरलाई गोलमा परिणत गर्न चुक्दा खेल गोलरहित बराबरीमा सकिएको हो । बराबरीसंगै दुबै टोलीले एक–एक अंक बाडेका छन् ।
समूह ‘बी’ मा दुई चरणका खेलहरु सकिँदा इंग्ल्याण्ड ४ अंक जोड्दै शीर्ष रहेको छ । त्यस्तै, एसियाली राष्ट्र इरान ३ अंकका साथ दोस्रो स्थानमा रहँदा अमेरिका २ अंकका साथ तेस्रोमा छ ।
वेल्सको १ अंक छ र तालिकाको अन्तिम स्थानमा रहेको छ । चारै टोलीको अघिल्लो चरण पुग्ने सम्भावना जिवित रहेको छ ।
लेखक
