एजेन्सी । सह–आयोजकद्वय टोलीविचको आईसीसी टि–२० विश्वकपअन्तर्गत सुपर ८ को खेलमा वेस्ट इन्डिजले जित हासिल गरेको छ ।
सनिवार विहान भएको खेलमा एसोसियट राष्ट्र संयुक्त राज्य अमेरिकामाथि टेस्ट टोली वेस्ट इन्डिजले ९ विकेटको सहज जित हासिल गरेको हो ।
महत्वपूर्ण जितसंगै वेस्ट इन्डिजले ग्रुप २ मा २ खेलबाट २ अंक जोडेको छ ।
पराजित अमेरिकाले २ खेल खेलिसक्दा दुबैमा हार बेहोरेको छ ।
बारबडोसस्थित केनसिङटोन ओभल बारबाडोस रंगशालामा भएको खेलमा १२९ रनको सामान्य विजयी लक्ष्यका साथ जवाफी ब्याटिङमा उत्रिएको वेस्ट इन्डिजले १०.५ ओभरमा १ विकेट गुमाउँदै १३० रन जोड्यो ।
बलियो वेस्ट इन्डिजको जितमा शाइ होपले विष्पोटक पारी खेल्दै ३९ बलमा ४ चौका र ८ छक्का प्रहार गर्दै सर्वाधिक ८२ रनको अर्धशतकिय पारी खेल्दै अविजित रहँदा विकेटकिपर निकोलास पुरानले १२ बल खेल्दै १ चौका र ३ छक्का प्रहार गर्दै २७ रन जोडेर अविजित रहे ।
त्यस्तै, जोनसन चार्लिसले १४ बलमा २ चौका प्रहार गर्दै १५ रन जोडेर पेविलियन फर्किए ।
्
वेस्ट इन्डिजले अतिरक्त रुपमा ६ रन जोड्यो ।
अमेरिकाका लागि हरमित सिंहले १ विकेट लिए ।
त्यसअघि टस हारेर पहिला ब्याटिङमा उत्रिएको अमेरिकाले १९.५ ओभरमा अलआउट हुँदै १२८ रन जोड्यो ।
अमेरिकाका लागि ओपनर ब्याट्सम्यान तथा विकेटकिपर एन्ड्रेस गौसले १६ बलमा ३ चौका र १ छक्का प्रहार गर्दै २९ रन जोडेर आउट हुँदा नितिश कुमारले १९ बल खेल्दै २ चौका प्रहार गरेर २० रन जोडेर पेविलियन फर्किए ।
त्यस्तै, मिलिन्द कुमारले २१ बलमा १ चौका प्रहार गर्दै १९ रन जोडेर रनआउट हुँदा शाड्ले भान स्चल्कवेकले १७ बल खेल्नेक्रममा ३ चौका प्रहार गर्दै १८ रन जोडेर पेविलियन फर्किए ।
यता, अली खानले ६ बलमा १ चौका र १ छक्का प्रहार गर्दै १४ रन जोडेर अविजित रहँदा कप्तान आरोन जोनसनले ११ बल खेल्दै १ छक्का प्रहार गर्दै ११ रन जोडेर पेविलियन फर्किए ।
कोरे एडरसन ७, स्टेभेन टेलर २ र नोस्थुस केन्जिजे १ रनमा आउट हुँदा हरमित सिंह र सौरभ नेत्रभल्कर शुन्य रनमा पेविलियन फर्किए ।
अमेरिकाकाले अतिरक्त रुपमा ७ रन जोड्यो ।
अमेरिकालाई सस्तैमा अलआउट गर्न वेस्ट इन्डिजका लागि रोस्टन चेस र एन्ड्रे रस्सेलले ३–३, अल्जारी जोसेफले २ र गुडाकेश मोटीले १ विकेट लिए ।
लेखक
