एजेन्सी । आसन्न आईसीसी टि–२० विश्वकपको तयारी स्वरुप खेलिएको अभ्यास खेलमा अष्ट्रेलियाले जित निकालेको छ ।
बुधवार विहान भएको अभ्यास खेलमा टेस्ट राष्ट्र अष्ट्रेलियाले एसोसियट राष्ट्र नामिबियामाथि ७ विकेटको जित निकालेको हो ।
टोबागोस्थित क्विन पार्क ओभल रंगशालामा भएको खेलमा १२० रनको सामान्य विजयी लक्ष्यका साथ जवाफी ब्याटिङमा उत्रिएको अष्ट्रेलियाले मात्र १० ओभर खेल्नेक्रममा ३ विकेट गुमाउँदै १२३ रन जोड्यो ।
अष्ट्रेलियाको जितमा ओपनर ब्याट्सम्यान डेभिड वार्नरले २१ बलमा ६ चौका र ३ छक्का प्रहार गर्दै ५४ रनको अर्धशतकिय पारी खेल्दै अविजित रहँदा टिम डेभिडले १६ बल खेल्दै ३ चौका र १ छक्का प्रहार गर्दै २३ रन जोडेर पेविलियन फर्किए ।
त्यस्तै, कप्तान तथा अर्का ओपनर मिट्चेल मार्शले १४ बलमा ४ चौका प्रहार गर्दै १८ रन जोड्नेक्रममा रनआउट हुँदा म्याथ्यु वाडेले ५ बलमा ३ चौका प्रहार गरेर १२ रन जोड्दै अविजित रहे ।
यता, विकेटकिपर जोश इंग्लिस भने ५ रनमा पेविलियन फर्किए ।
अष्ट्रेलियाले अतिरिक्त रुपमा ११ रन जोड्यो ।
एसोसियट टोलीका लागि बेर्नार्ड स्कोल्ट्जले २ ओभर बलिङ गर्नेक्रममा १६ रन दिएर २ विकेट लिए ।
त्यसअघि टस हारेर पहिला ब्याटिङमा उत्रिएको नामिबियाले निर्धारित २० ओभरको खेलमा ९ विकेट गुमाएर ११९ रन जोड्यो ।
नामिबियाका लागि विकेटकिपर जेन ग्रिनले ३० बलमा ५ चौका प्रहार गरेर ३८ रन जोड्दा मलान क्रुगेरले ११ बल खेल्दै १ चौका र १ छक्का प्रहार गर्दै १८ रन जोडेर रनआउट भए ।
त्यस्तै, ओपनर ब्याट्सम्यान निको डाभिनले १३ बलमा ३ चौका प्रहार गर्दै १४ रन जोडेर आउट हुँदा जिन पिइरे कोट्जेले २६ बल सामना गर्दा १ चौका मद्दतमा १३ रन बनाएर पेविलियन फर्किए ।
यता, कप्तान गेरार्ड इरास्मुसले १७ बलमा २ चौका प्रहार गर्दै १५ रन जोडेर पेविलियन फर्किदा डेभिड वेसाले १३ बल खेल्नेक्रममा १ चौका प्रहार गर्दै १२ रन जोडेर रनआउट भए ।
रुविन ट्रम्पेलमेन १ रनमा अविजित रहँदा जान फ्राइलिंक र जेजे स्मिथ समान १–१ रनमा पेविलियन फर्किए ।
अर्का ओपनर माइकल भान लिंगेन भने शुन्य रनमा पेविलियन फर्किए ।
नामिबियाले अतिरिक्त रुपमा ६ रन जोड्यो ।
टेष्ट राष्ट्रका लागि एडम जाम्पाले ४ ओभर बलिङ गर्नेक्रममा २५ रन दिएर ३ विकेट लिँदा जोश हाजेलउडले ४ ओभरमा ३ मेडनसहित मात्र ५ रन दिएर २ विकेट लिए ।
त्यस्तै, नाथान इलिसले ४ ओभरमा १७ रन दिएर १ विकेट लिँदा टिम डेभिडले ४ ओभर बलिङ गर्नेक्रममा ३९ रन खर्चिएर १ विकेट लिए ।
लेखक
