एजेन्सी । श्रीलंकामा आजबाट सुरु भएको पाँचौ संस्करणको एसीसी इमर्जिङ टिम्स एसिया कपअन्तर्गत समूह ‘ए’ को पहिलो खेलमा अफगानिस्तान ‘ए’ द्वारा ओमान ‘ए’ ७२ रनले पराजित भएको छ ।
विहिवार कोलोम्बो क्रिकेट क्लबमा भएको खेलमा २६८ रनको विजयी लक्ष्य पछ्याएको ओमान ४०.३ ओभरमा अलआउट हुँदै मात्र १९५ रनमा समेतिदा अफगानिस्तान ‘ए’ संग ७२ रनले पराजित भएको हो ।
एसोसियट राष्ट्र ओमानका लागि आयान खानले ४८ बलमा ४ चौका र २ छक्का प्रहार गर्दै ४७ रन जोड्दा सोयिब खानले ३ चौका र १ छक्का प्रहार गर्दै ४७ रन जोडे ।
त्यस्तै, कप्तान अक्विब इलियासले २७ बलमा ६ चौका र २ छक्का प्रहार गर्दै ३९ रन जोड्दै आउट हुँदा अहमद फायान बुटले ३० बलमा १ चौका प्रहार गर्दै १९ रनमा अविजित रहे ।
यता, शुबो पलले २४ बलको सामना गर्दा १ चौका मद्दतमा १० रन जोड्दै पेविलियन फर्किदा कश्यपकुमार प्रजापति ५, विकेटकिपर सुरज कुमार, फी उल्लाह र जे विक्रम ओडेडारा समान ३–३ र जतिन्दर सिंह २ रनमा आउट भए । ओमानले अतिरिक्त रुपमा १७ रन जोड्यो ।
अफगानिस्तानका लागि मोहम्मद इब्राहिमले ८ ओभर बलिङ गर्दा २ मेडन राख्दै २२ रन दिएर ३ विकेट लिँदा जिया उर रेहमान अकबरले ८.३ ओभरमा ३७ रन दिएर ३ विकेट लिए ।
त्यस्तै, इजहारुलाह्क नाभेदले २ विकेट लिँदा सराफुद्दिन असरफ र सायिद अहमद सिरजादले समान १–१ विकेट लिए ।
त्यसअघि टस जित्दै अफगानिस्तानले पहिला ब्याटिङ रोजेको थियो । अफगानिस्तानले ४९ ओभर खेल्नेक्रममा ८ विकेट गुमाउँदै २६७ रन जोडेको थियो ।
अफगानिस्तानका लागि जुबैररुल्लाह अकबारीले ८४ बलमा १४ चौका प्रहार गर्दै ७९ रनको अर्धशतकिय पारी खेल्दा कप्तान शाहिदुल्लाह कमालले ५६ बल खेल्दै ३ चौका र १ छक्का प्रहार गर्दै ४५ रन जोडे ।
त्यस्तै, विकेटकिपर इक्रम अलीखैलले ३७ बलमा १ चौका र २ छक्का प्रहार गर्दै ३४ रन जोड्दै अविजित रहँदा नुर अली जादरानले ३७ बलमा ५ चौका प्रहार गर्दै ३५ रन जोड्दै पेविलियन फर्किए ।
यता, रियाज हसनले ४३ बलमा २ चौका प्रहार गर्दै २७ रन जोड्दै पेविलियन फर्किदा सराफुद्दिन अशरफले १८ बलमा १ चौका र २ छक्का प्रहार गर्दै २४ रन जोड्दै आउट भए ।
त्यस्तै, सैद बाहेर शाहले १५ बलमा १ चौका मद्दतमा ११ रन जोड्दै पेविलियन फर्किदा जिया उर रेहमान अकबरले ४ रन जोड्दै आउट भए । अफगानिस्तानले अतिरक्ति रुपमा ८ रन जोड्याृे ।
ओमानका लागि कालेमुल्लाहले १० ओभर बलिङ गर्दै १ मेडन राख्दा ४१ रन दिएर २ विकेट लिँदा अक्विब इलियासले १० ओभर बलिङ गर्नेक्रममा ५० रन खर्चिएर २ विकेट लिए ।
त्यस्तै, अहमद फायाज बुट, जे विक्रम ओडेडारा र रफी उल्लाहले समान १–१ विकेट लिए ।
प्रतियोगिताअन्तर्गत भोली अर्थात् शुक्रवार भारत ‘ए’ ले युनाइटेड अरब इमिरेट्स (युएई) ‘ए’ संग खेल्नेछ भने पाकिस्तान ‘ए’ ले नेपालसंग प्रतिस्पर्धा गर्नेछ ।
लेखक
