एजेन्सी । भारतले अफगानिस्तानविरुद्वको तीन खेलको टि–२० सिरिजअन्तर्गत तेस्रो तथा अन्तिम खेल सुपर ओभरमा १० रनले जितेको छ ।
बुधवार राति भएको सिरिजअन्तर्गत अन्तिम खेलमा भारतले अफगानिस्तानमाथि सुपर ओभरमा १० रनको जित हासिल गरेको हो ।
उक्त जितसंगै भारतले अफगानिस्तानमाथि क्लिन स्विप गर्दै सिरिज जितेको छ ।
भारतको बेङ्लोरुस्थित एम. चिन्नस्वामी रंगशालामा भएको खेल बराबरीमा सकिएपछि सुपर ओभरतर्फ अघि बढ्यो ।
सुपर ओभरमा भारतले खेल १० रले जित्यो ।
सुपर ओभरमा भारतले ११ रन जोड्दा अफगानिस्तान १ रनमा समेतियो ।
सुपर ओभरमा भारतका लागि कप्तान रोहित शर्माले ३ बलमा १ चौका र १ छक्का प्रहार गर्दै ११ रन जोड्यो ।
त्यसअघि २१३ रनको विजयी लक्ष्यका साथ जवाफी ब्याटिङमा उत्रिएको अफगानिस्तानले निर्धारित २० ओभरको खेलमा ६ विकेट गुमाउँदै २१२ रन जोड्यो ।
अफगानिस्तानका लागि गुलबदिन नाइबले २३ बलमा ४ चौका र ४ छक्का प्रहार गर्दै ५५ रनको अर्धशतकिय पारी खेल्दै अविजित रहँदा कप्तान इब्राहिम जदरानले ४१ बल खेल्दै ४ चौका र १ छक्का प्रहार गर्दै ५० रनको अर्धशतकिय पारी खेल्दै आउट भए ।
त्यस्तै, विकेटकिपर रहमानुल्लाह गुरबाजले ३२ बलमा ३ चौका र ४ छक्का प्रहार गर्दै ५० रनको अर्धशतक बनाउँदै पेविलियन फर्किदा मोहम्मद नाबीले १६ बल खेल्दै २ चौका र ३ छक्का प्रहार गरेर ३४ रन जोड्दै आउट भए ।
यता, शरफुद्दिन अशरफ ५ रनमा अविजित रहँदा नाजिबुल्लाह जदरान ५, करिम जनत २ र अजमुतुल्लाह ओमरजायी शुन्य रनमा पेविलियन फर्किए ।
अफगानिस्तानले अतिरिक्त रुपमा ११ रन जोड्यो ।
भारतका लागि वासिन्टन सुन्दरले ३ विकेट लिँदा आभेश खान र कुलदिप यादवले १–१ विकेट लिए ।
त्यसअघि टस जितेर पहिला ब्याटिङमा उत्रिएको भारतले निर्धारित २० ओभरको खेलमा ४ विकेट गुमाउँदै २१२ रन जोड्यो ।
भारतका लागि कप्तान रोहित शर्माले ६९ बलमा ११ चौका र ८ छक्का प्रहार गर्दै सर्वाधिक १२१ रनको शतकिय पारी खेल्दै अविजित रहँदा रिङ्कु सिंहले पनि ३९ बल खेल्दै २ चौका र ६ छक्का प्रहार र्गै ६९ रनको अर्धशतकिय पारी खेल्दै अविजित रहे ।
त्यस्तै, ओपनर ब्याट्सम्यान यश्वस्वी जैसवाल ४ र शिभम् दुबे १ रनमा आउट हुँदा विराट कोहली र सन्जु सेमसन शुन्य रनमा पेविलियन फर्किए ।
भारतले अतिरिक्त रुपमा १७ रन जोड्यो ।
अफगानिस्तानका लागि फरिद अहमदले ३ विकेट लिँदा अजमुतुल्लाह ओमरजायीले १ विकेट लिए ।
लेखक
